Jonas 1:4 - Maung a Balita Biblia

⁴ Balet say Katawan angibakid dayat na mabiskeg a dagem, tan diad gaway peles na bagyo ngalngali la nabuyak imay bapor a niloganan da.

Maung A Balita Biblia

⁴ Balet say Katawan angibakid dayat na mabiskeg a dagem, tan diad gaway peles na bagyo ngalngali la nabuyak imay bapor a niloganan da.

Jonas 1:4 Iomraidhean Croise

Saray Salmo 135:6

Gagawaen toy labay ton gawaen diad tawen tan diad dalin, diad saray dayat tan diad saray kaaralman.

Saray Salmo 135:7

Sikatoy mamapaatagey ed saray lorem a manlapud saray samput na dalin; gagawaen toy kirmat para saray bagyo, tan ipapaway toy dagem a manlapud kuarton panagsinupan to.

Saray Salmo 148:8

sikayon kirmat tan kristal, yilo tan lorem, sikayo ran mabiskeg a dagem a mangoonur ed ganggan to.

Exodo 10:13

Kanyan intoro nen Moises so baston to tan sanagew tan sanlabin pinasiplug na Katawan so dagem a nanlapud bokig. Diad kaimbwasan awit na dagem iray dorun.

Exodo 10:19

Say Katawan pinasiplug toy mabisbiskeg a dagem a nanlapud sagur; impalir na sayan dagem ira may dorun tan imbantak to ran amin ed Dayat ya Ambalanga. Anggapoy anggan sakey a dorun ya atilak ed intiron Egipto.

Exodo 14:21

Inyonat nen Moises ed dayat so lima to, et say Katawan pinapawil toy agos na dayat diad panamegley na mabiskeg a dagem a nanlapud bokig. Sanlabin sinmiplug so dagem, et nakatan so dayat. Apaldua so danum

Exodo 15:10

Balet sakey labat ya ingas mo, O Katawan, et nalner la ray Egipsio; linmereg iran singa ismay ed dalem na mabiskeg a danum.

Jeremias 51:16

Diad ganggan to onuungol so danum ed katawenan; manlapud amin a sokung na mundo papaatageyen toy lorem. Pakikirmaten to no peles na oran, tan manlapud panagsinupan to ibabaki toy maples ya oran.

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!

Saray Bilang 11:31

Kabebekta say Katawan pinasuplug toy sakey a mabiskeg a dagem ya angawit na saray pugon nanlapud dayat, a say tikyab da et sakey mitro so kaatagey da ed dalin. Pinanatan da so kampo tan diad kaliber-liber to ya anggad pigapigan kilomitroy kaarawid balang dapag.