Jeremias 9:5 - Maung a Balita Biblia

^5-6 Papalikdoen na amin iray kakaaro ra, tan anggapoy mangibabagay katwaan; impasal dan mantila iray dila ra tan ag da tondaay mankasalanan. Mantotombukan lay inkaruksa a gagawaen da, tan say pampapalikdo ra. Ibabaga na Katawan a sikatoy ipopolisay na saray totoo to.

Maung A Balita Biblia

^5-6 Papalikdoen na amin iray kakaaro ra, tan anggapoy mangibabagay katwaan; impasal dan mantila iray dila ra tan ag da tondaay mankasalanan. Mantotombukan lay inkaruksa a gagawaen da, tan say pampapalikdo ra. Ibabaga na Katawan a sikatoy ipopolisay na saray totoo to.

Jeremias 9:5 Iomraidhean Croise

Genesis 19:11

Insan da binulag ira may amin a lalakin walad paway, kanyan ag da napogta so puirta.

Say Libro nen Job 11:3

Job, abaloan mo ya ag mi ka naebatan? Ya ag kami makasalita lapud saray ansakit a salitam.

Say Libro nen Job 15:5

Say kaogsan mo ipapanengneng na panagsalitam; say panisimolam et saray masilib iran salitam.

Saray Salmo 140:3

Singa makapatey ya oleg so kadilaan da; singa ditay kobra iray salita ra.

Saray Salmo 50:19

Sipaparaan kayon mansalitay maoges; mainomay yoy mantila.

Saray Salmo 52:3

Inarom so kaogsan nen say kamaungan, say tila nen say katwaan.

Saray Salmo 64:3

Iyoobul dan singa ispada so kadilaan da, tan ipapatoyung dan singa pana iray anagasang a salita ra.

Saray Salmo 7:14

Imanom so pannununot na totoon maoges ed kaogsan; iplaplano ray panggawa ray golo tan say pamalikdo ra.

Probirbio 12:5

Matwa so gawaen ed sika na saray totoon maptek; pamalikdo labat so labay a gawaen ed sika na saray totoon maoges.

Probirbio 4:16

Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Isaias 5:18

Pakaskasi kayo la! Ag yo nayariay onlokpus ed saray kasalanan yo.

Isaias 57:10

Pakekesawen yoy sikayon dili diad panaanap yo na arum a diriyos, balet ag yo totondaan so mananap. Nununoten yo a pabibiskegen kayo na saray mabambanday a talintao yo, kanyan ag kayon balut nakekesawan.

Jeremias 12:13

Nantanem na trigo iray totook, balet kasabitan so naani ra; pinasyay impankimey da, balet anggapoy agunggona ra. Lapud mapalalon pasnuk ko ag nambunga ray tantanaman da.

Jeremias 12:6

Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.

Jeremias 13:23

Nasalatan ta na toon andeket so kolor na baog to, odino naekal ta na liopardo so batek na bago to? No nayarian da, naaralan yo, sikayon totood Jerusalem, so manggaway kaptekan, sikayon pasal yoy manggaway kaogsan.

Jeremias 4:22

Say Katawan kuanto, Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.

Jeremias 51:58

Nageba ya anggad dalin iray makapal a padir na Babilonia, tan napoolan iray atatagey iran puirta to. Magmaliw ya andi-kakanaan ya amin iray kimey da ray totood saray bansa, tetemeken na apoy ya amin iray nansagpotan da. Siak, say Katawan a Makapanyarin-amin, so nansalita.

Jeremias 51:64

tan ikuanmo, Onyay nagawa ed Babiloniaonlereg tan ag lan balut makaimwas, lapud deral ya iyakar dia na Katawan. Dia mansasamput iray salita nen Jeremias.

Jeremias 7:28

Ibagam ed sikara a say bansa ra et ag onoonur ed siak, say Dios dan Katawan; ag ira makakaaral ed panametek ko. Inatey lay katooran da; ag da la anggan sasalitaen.

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, Mansosoblayan a kaogsan so gagawaen na saray totook, tan ag da ak bibirbiren a Dios da.

Jeremias 9:8

Singa makapatey a pana iray dila ra; tila lawas so sasalitaen da. Maumaung so panagsalita na balang sakey ed kapara ton too, balet diad tuay tua sisiliban to.

Ezekiel 24:12

anggaman ya ag naandipat ed apoy so amin a lati to.

Mikias 6:12

Saray mamayaman a totoo yo et papairapen da ray mairap-bilay, tan matila kayon amin.

Mikias 6:3

Say Katawan kuanto, Sikayo ran totook, antoy ginawak ed sikayo? Siak tay agawan makabelbelat ed sikayo? Ebat kayod siak.

Habacuc 2:13

Andi-kakanaan so nansasagputan na saray bansan dinadakep yo, tan natetemek ed apoy iray impapaalagey da. Say Katawan a Makapanyarin-amin so nanggawad saya.

Malakias 2:10

Ag ta saksakey so ama tayo? Ag ta saksakey a Dios so amalsad sikatayon amin? Akin sirin et ag tayo susumpalen so sipan tayod sakey tan sakey, tan akin et babalawen tayoy impisipanan na Dios ed saray lalaki tayo?

TAGA-EFESO 4:25

Kanyan ag ki la mantitila, no ag ingen salita yoy katwaan ed agagi yo, ta kabyangan itayon amin na saksakey a laman.

1 Timoteo 4:2

Sarayan bangat ya ikakayat na saray matitilan totoo a say konsinsia ra et inatey la, a singa apoolan na ampetapetang a balatyang.

Saray Huis 2:10

Inaatey ya amin iray kabyangan na saman a kailalakan; alingwanan na saray kabyangan na sinmalat a kailalakan so Katawan tan saray ginagawa tod Israel.