Jeremias 9:12 - Maung a Balita Biblia

¹² Tinepet ko, Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?

Maung A Balita Biblia

¹² Tinepet ko, “Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?”

Jeremias 9:12 Iomraidhean Croise

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Saray Salmo 107:43

Nudnunoten komun na saray makabat ira yan bengatla; motekteken da komun so ag mangoman a panangaroy Katawan.

Isaias 42:23

Siopad sikayoy ondengel ed saya? Manlapud natan manasikaso kayo lan ondengel?

Jeremias 23:10

Say dalin napno na saray totoon aliwan matoor ed Katawan; nambilay iran maoges tan andi-kakanaay impangikana rad pakayari ra. Lapud impangisamba na Katawan nagmaliw a maneermen so dalin tan amagaan iray pastolan.

Jeremias 23:16

Say Katawan a Makapanyarin-amin kuantod saray totood Jerusalem, Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.

Jeremias 23:22

No akabatan da ray niamut a kanununotan ko, ayarian da komun ya impulong so salitak ed saray totook tan atanggoyur da ran mangibeneg ed saray maoges a panagbilay da tan saray maoges a gagawaen da.

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?

Jeremias 9:20

Inkuanko, Dengel kayod Katawan, sikayon bibii, tan talineng yo ray salita to. Ibangat yon manermen iray anak yon bibii, ibangat yo met a mankanta na kantan para tolur iray kakaaro yo.

Ezekiel 14:23

naamtaan mod satan a walay maung a makasengeg na panggagawak ed antokaman. Say Katawan a Dios so nansalita.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Oseas 4:10

Kanen yoy betang yo ed saray bagat, balet ag kayo nin siansia napesel. Igagalang yo ray diriyos a makapalokun, balet siansian ag kayo makaanak, lapud imbeneg yo ak diad intombuk yod saray arum a diriyos.

Joel 1:11

Manermen kayo, sikayon dumaralos; akis kayo, sikayon managasikasoy kaubasan, lapud aderal la ray trigo, sibada, on, aderal lan amiy tanaman ed kaalogan.

Sofonias 3:6

Say Katawan kuanto, Pinaandik ya amin iray bansa; dineral ko ray siudad da tan tinaynan kon aderal-deral iray padir ta saray tori ra. Ataynan iray siudad; anggapoy onkitakitaw ed saray dalananggapoy anggan sakey a toon nakdaan.

Mateo 24:15

Onung na imbaga nen propita Daniel, nanengneng yoy Makapataktakot a Managderal ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.

Puyan 1:3

Maliket so toon mambabasad sayan libro. Maliket met iray ondedengel ed saray ibabaga to yan propisiya tan manusumpal ed saray nisulat ed sayan libro! Ta asingger lay panaon na pakagawad sarayan amin.