Jeremias 43:3 - Maung a Balita Biblia

³ Ingen sinogsogan ka nen Baruc a lakin anak nen Nerias, pian nipasilong kamid pakayari na saray taga Babilonia, et nayarin napatey da kami odino niakar da kami ed Babilonia.

Maung A Balita Biblia

³ Ingen sinogsogan ka nen Baruc a lakin anak nen Nerias, pian nipasilong kamid pakayari na saray taga Babilonia, et nayarin napatey da kami odino niakar da kami ed Babilonia.”

Jeremias 43:3 Iomraidhean Croise

Saray Salmo 109:4

Susumpaen da ak, anggaman ya aaroen ko ra, tan impikasik ira.

Jeremias 32:12

Insan diad arap nen Hanamel, saray tasi a nampirmad kasulatay saliwan, tan amin da ray Judion manyodyorung ed patio na palasio, inyawat ko ra may kupia ed kinen Baruc a lakin anak nen Nerias tan apo nen Maasias.

Jeremias 36:10

Nen manderengel ya amin iray totoo, binasa nen Baruc ed samay nilokut a babasaen iray amin ya imbagak. Ginawa to ya ed Timplo, diad kuarto na sikritariod ari a si Gemarias a lakin anak nen Safan. Walad bandad tagey a patio so kuarto to, diad lolooban na Puirtan Balo na Timplo.

Jeremias 36:26

Insan ingganggan na ari ira di Jerameel a prinsipi, Seraya a lakin anak nen Azriel, tan Selemias a lakin anak nen Abdeel, ya erelen da ak tan si Baruc a sikritariok. Balet inyamut kami na Katawan.

Jeremias 36:4

Kanyan tinawag koy Baruc a lakin anak nen Nerias, tan indiktak ed sikato ya amin iray imbaga na Katawan ed siak. Insulat iran amin nen Baruc diad sakey a nilokut a papil.

Jeremias 38:4

Insan inkuan na saray opisyal ed ari, Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.

Jeremias 41:18

pian nibatikan da ray taga Babilonia, ta antakot da ra lapud samay impamatey nen Ismael ed kinen Gedalias a ginawa na ari na Babilonia a gobirnador na dalin.

Jeremias 43:6

saray lalaki, saray bibii, saray anak, tan saray bibiin anak na ari. Inala ray amin ya intilak nen Nebuzaradan a pangulo na saray sondalo na Babilonia diad panagasikaso nen Gedalias; akapila diay Baruc tan siak.

Lucas 6:26

Pakaskasi ki la no daydayewen kayoy amin a totoo, ta onyay ginagawa na saray lalaki ra ed saray tila-tilan propita.