Jeremias 39:9 - Maung a Balita Biblia

⁹ Diad kaonuran, si Nebuzaradan a pangulo na saray sondalo inyakar ton priso ed Babilonia iray nakdaan a totoo ed siudad tan saray akigampid sikato.

Maung A Balita Biblia

⁹ Diad kaonuran, si Nebuzaradan a pangulo na saray sondalo inyakar ton priso ed Babilonia iray nakdaan a totoo ed siudad tan saray akigampid sikato.

Jeremias 39:9 Iomraidhean Croise

Genesis 37:36

Leleg a nagagawa ra ya, inlako na saramay Madianita si Jose ed kinen Potifar diad Egipto. Sakey ed saray opisyal na ari si Potifar tan pangulo na saray guardia ed palasio.

2 Saray Arari 20:18

Pigarad saray kakanayon mo so naala tan magmaliw iran yunuko a manlingkur ed palasio na ari na Babilonia.

2 Saray Arari 25:11

Insan inawit nen Nebuzaradan ed Babilonia iray totoon atilak ed siudad, saray atilak a marunong a kumikimey, tan saray akigampid saray taga Babilonia.

2 Saray Arari 25:20

Inyakar to ra ed ari na Babilonia a walad siudad na Ribla,

Isaias 5:13

Lapud saya, naala kayon priso ed arum a bansa. Ompatey ed eras iray pangulo yo, tan ompatey ed kaapgaan iray ordinarion totoo.

Jeremias 10:18

Say Katawan pataynanen to kayo lad sayan dalin; pasegsegangen to kayo ya anggad anggapoy natilak ed sikayo. Say Katawan so nansalita.

Jeremias 16:13

Kanyan ibantak ta kayod dalin ya ag yon balut kabat tan saray lalaki yo. Diad agew tan labi, diman kayo manlingkur ed saray arum a diriyos, tan ag ta kayo kasian.

Jeremias 24:8

No panon a sarayan aliwaliwan bungay igos et ag nayari ran kanen, ontan met so gawaen ko, siak a Katawan, ed kinen Ari Sedekias na Juda, saray katambayan tod oley, tan saray arum a totood Jerusalem ya atilak ed sayan dalin odino batik ed Egipto.

Jeremias 38:19

Balet inmebat si Ari Sedekias, Antakot ak ed saray Judion akigampid saray taga Babilonia. Ompan siak so nipalimad sikara et pairapen da ak.

Jeremias 40:1

Akisalitad siak so Katawan kayarin imbolus ak ed Rama nen Nebuzaradan a pangulo na saray sondalo. Niakar ak diman ya akagolunggolung; kaibak ya amin iray totoon taga Jerusalem tan Juda a niakar a priso ed Babilonia.

Jeremias 40:7

Wala ray pigaran ag sinmukon opisyal tan sondalo na Juda. Nadngelan da a say ari na Babilonia et ginawa ton gobirnador na dalin si Gedalias a lakin anak nen Ahicam tan impasen ton makaoley ed amin da ray ag niakar a priso ed Babilonia, salanti saray sankamairapay bilay ed dalin.

Jeremias 52:26

Inyakar to ra nen Nebuzaradan ed ari na Babilonia a walad siudad na Ribla

Jeremias 52:27

a sakop na dalin na Hamat. Impapasiplatan tan impapatey irad man na ari. Kanyan niarawi rad dalin da iray totood Juda tan nibantak irad arawin pasen.

Daniel 2:14

Insan linmay Daniel ed kinen Arioc, say pangulo da ray dilin umaantabay na ari, tan sikatoy niganggan a mamatey ed saray sumisimbawa na ari. Inapi-apiger toy impitongtong to,

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Deuteronomio 4:27

Say Katawan itaytayak to kayo ed saray arum a bansa tan pigpigarad sikayo so makapaliis ed patey.