Jeremias 12:6 - Maung a Balita Biblia

⁶ Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.

Maung A Balita Biblia

⁶ Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Jeremias 12:6 Iomraidhean Croise

Say Libro nen Job 6:15

Balet sikayo ran kakaarok, papalikdoen yo ak singa saray kolus a naekatan no anggapoy oran.

Saray Salmo 12:2

Mantitilaan la ray totoo; manlolokowan tan mampapalikdowan ira.

Saray Salmo 12:3

Patondam pa lan amin iray managpalikdon dila, Katawan! Pepetan mo ray mapasirayew a sangi a kuanda,

Saray Salmo 69:8

Singa ak sangkaili ed saray dilin agagik, singa ak toon nanlapud arum a bansa ed dilin pamilyak.

Probirbio 23:8

Iyotam so antokaman a nakan mo, tan nadarak ya amin so pangidayew mod sikato.

Probirbio 26:25

Nayarin marakep so panagsalita to, balet ag mo sisigsiaen, ta ontan lay bosul a popokoken tod puso to.

Isaias 31:4

Inkuan na Katawan ed siak, Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.

Jeremias 11:19

Singa ak mauyuyamon kordiro a tetengtengen ed panagpateyan, tan ag ko amtad saman a mamplaplano ray maoges a bengatla. Inkukuanda, Ibatang tayoy kiew legan a mabona-bona ni; pateyen tayo pian anggapo lay makanunot ed sikato.

Jeremias 11:21

Labay na saray totood Anatot a pateyen da ak, kanyan imbaga rad siak a pateyen da ak no ituloy koy pampulong kod ngaran na Katawan.

Jeremias 20:10

Narerengel koy paneesaesan na saray karaklan, Makapataktakot ed anggan iner a pasen! Kanyan idalem tayod saray makankanepegan! Anggan saray kakaarok a malet aalagden day kapelag ko. Angangko nayarin palikdoen, kuanda; naerel tayo sirin tan makabawi tayo.

Jeremias 9:2

Wala komuy pasen a napanayaman kod kalawakan, pian niarawian ko ray totook. Aliwa ran matoor; olup iray traidor.

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, Mansosoblayan a kaogsan so gagawaen na saray totook, tan ag da ak bibirbiren a Dios da.

Jeremias 9:4

Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.

Jeremias 9:5

Papalikdoen na amin iray kakaaro ra, tan anggapoy mangibabagay katwaan; impasal dan mantila iray dila ra tan ag da tondaay mankasalanan. Mantotombukan lay inkaruksa a gagawaen da, tan say pampapalikdo ra. Ibabaga na Katawan a sikatoy ipopolisay na saray totoo to.

Mateo 10:21

Papatey na saray totoo iray agagi ran dili. Papatey na saray kaamaan iray anak da; ontan met a labanan tan papatey na saray anak iray atateng da.

Marcos 12:12

Sinali na saray manonan Judio ya erelen si Jesus lapud atebek dan nipaakar ed sikaray sasalitaen to ed sayan alimbawa. Balet antakot irad saray karaklan, kanyan pinaolyan da la tan tinmaynan la ra.

Juan 7:5

(Ta anggan saray lalakin agagi nen Jesus it ag ira manisiad sikato.)

Saray Gawgawa 16:22

Saray totoo et akibabali ran angakusad sikara. Ginabyas tan inekel na saray opisyal iray kawes di Pablo tan Silas, insan da ra impapalewet.

Saray Gawgawa 18:12

Nen si Galion so gobirnador na Acaya, nankakasakeyan da ray Judio ya inerel si Pablo tan inyakar dad korti.