Jeremias 1:9 - Maung a Balita Biblia

⁹ Insan inyonat na Katawan so taklay to, diniwit to ray bibil ko, insan kuantod siak, Nia, iter kod sika ray nepeg mon salitaen.

Maung A Balita Biblia

⁹ Insan inyonat na Katawan so taklay to, diniwit to ray bibil ko, insan kuantod siak, “Nia, iter kod sika ray nepeg mon salitaen.

Jeremias 1:9 Iomraidhean Croise

Isaias 49:2

Ginawa ton singa matdem ya ispada iray salitak. Inyagel to ak na dilin lima to. Ginawa to ak a singa sakey a panan matdem tan sipaparaan ya ikana.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Isaias 51:16

Impanat koy katawenan tan inlirak iray pundasion na mundo; kuankod saray totood Jerusalem, Sikayo ray totook! Iter kod sikayo ray salitak, tan iyaagel ta kayo diad panamegley na dilin limak.

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.

Jeremias 15:19

Say Katawan inmebat, No ompawil ka, awaten ta ka, tan magmaliw kan aripen ko lamet. No mansalita kay makana-kana, aliwan say andi-kakanaan, magmaliw kan propitak lamet. Ompawil ed sika iray totoo, tan ag nakaukolan ya onla kad sikara.

Jeremias 34:6

Insan imbagak ira yan salita ed kinen Ari Sedekias diad Jerusalem,

Jeremias 36:2

Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.

Ezekiel 3:10

Intuloy na Dios ya inkuan, Sika a toon ompatey, dengel kan maung tan tandaan moy ibagak ed sika.

Daniel 10:10

Insan walay liman angegnad siak, intagey to ray limak, tan impatalimukor to ak; manggiwgiw ak nid saman.

Daniel 10:16

Insan samay anghil, a singa tooy nengneng to, et diniwit to ray bibil ko. Inkuankod sikato, Pakakapoyen ak a maung na sayan pasingayew. Ag ontonday panggiwgiw ko.

Saray Bilang 23:5

Imbaga na Katawan ed kinen Balaam no antoy salitaen to tan imbaki to la ed kinen Balak pian nasalita toy papaibaga tod sikato.

Mateo 10:19

No iyakar da kayod korti, ag kayo mapaga no antoy ibaga yo, o no panoy pangibaga yo. Diad satan ya oras, onsabid kanunotan yoy ibaga yo.

Marcos 7:33

Inyarawi nen Jesus ed karaklan imay laki. Nen siksikara la dua, inseksek to ray tamoro tod saray layag to may telek. Insan linmukda tan diniwit toy dila na laki.

Lucas 12:12

Ta diad satan a bekta, ibangat kayoy Ispirutu Santo no antoy ibaga yo.

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Deuteronomio 18:16

Diad samay agew a nantitipon kayod Palandey na Sinai, kinerew yon ag yo la dengelen a mansalita lamet so Katawan o nengnengen yo so mandarlang a kiwawala to, ta antakot kayo ompan ompatey kayo.

Deuteronomio 18:17

Kanyan say Katawan kuantod siak, Maung so kekerewen da.

Deuteronomio 18:18

Mangibaki ak ed sikara na sakey a propita a singa sika a manlapud saray totoo ra; salitaen kod sikatoy ibaga to tan ibaga tod saray totoo iray amin ya iganggan ko.