Jeremias 1:12 - Maung a Balita Biblia

¹² Inkuan na Katawan ed siak, Tua tay imbagam, tan mambabantay ak, pian naimatunan koy pakasumpal na saray sinalitak.

Maung A Balita Biblia

¹² Inkuan na Katawan ed siak, “Tua tay imbagam, tan mambabantay ak, pian naimatunan koy pakasumpal na saray sinalitak.”

Jeremias 1:12 Iomraidhean Croise

Isaias 55:11

Ontan met so pagmaliwan na salitan ibabalikas ko ag ompawil ed siak ya anggapoy agawaan to; sumpalen toy antokaman a ginetmak tan gawaen toy angibakian kon gawaen to.

Jeremias 1:13

Akisalita lamet ed siak so Katawan. Tinepet to, Anto niy nanenengneng mo? Inmebat ak, Nanenengneng kod baybay so sakey a bangan manlelwag so karga to. Ngalngali la onlepwad abalaten so karga to.

Jeremias 24:3

Insan inkuan ed siak an Katawan, Jeremias, antoy nanenengneng mo? Inmebat ak, Bungay igos. Saray balibali et mapalalon balibali, tan saray aliwaliwa et mapalalon aliwaliwa, kanyan ag nayarin kanen.

Jeremias 31:28

Onung na impangasikasok ed impamagut, impangibalsak, impangipatalo, impaneral, tan impamataynan kod sikara, ontan met so pangasikasok ed pangiletneg tan pamasimbaloy kipapasen da.

Ezekiel 12:25

Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita, kuay Katawan a Dios.

Ezekiel 12:28

Kanyan ibagam ed sikara so sayan ibabagak, siak a Katawan a Dios: Anggapo la so nagawan abala. No anto so imbagak, sikato so nasumpal. Siak a Katawan a Dios so nansalita!

Amos 8:2

Tinepet na Katawan, Amos, antoy nanenengneng mo? Sakey a baskit a napno na saray prutas. Ebat ko. Say Katawan kuantod siak, Sinmabi la so anggaan da ray totook ed Israel. Ag ko la omanen so kanunotan ko nipaakar ed panusak ed sikara.

Lucas 10:28

Dugay ebat mo, kuanen Jesus. Onur mo itan et nagamuran moy bilay ya andi-anggaan.

Lucas 20:39

Inkuan na pigaran iskriba, Marakep itan ya ebat mo, Maistro!

Deuteronomio 18:17

Kanyan say Katawan kuantod siak, Maung so kekerewen da.

Deuteronomio 32:35

Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

Deuteronomio 5:28

Nen nadngel ya na Katawan, inkuantod siak, Nadngel koy imbaga na sarayan totoo, et tuay imbaga ra.