Genesis 8:16 - Maung a Balita Biblia

¹⁶ Paway ka lad biong, pati say asawam, saray anak mon lalaki, tan saray kaasawaan da.

Maung A Balita Biblia

¹⁶ “Paway ka lad biong, pati say asawam, saray anak mon lalaki, tan saray kaasawaan da.

Genesis 8:16 Iomraidhean Croise

Genesis 7:1

Inkuan na Katawan ed kinen Noe, Loob kad biong, sika tan amin a kabyangay pamilyam, ta nalmoan ko a diad intiron mundo sika labat so matonung ed arap ko.

Genesis 7:13

Diad saman ya agew, si Noe tan say asawa to et linmoob irad biong a kaiba da ray anak dan lalaki a di Sem, Ham, Jafet, tan saray kaasawaan da.

Genesis 7:7

Sikato tan say asawa to, saray anak ton lalaki tan saray kaasawaan da et linmoob irad biong, pian ag ira ompatey ed delap.

Genesis 8:15

Inkuan na Dios ed kinen Noe,

Genesis 8:17

Papaway mo met la ra may manok tan saramay ayayep, ta mamparakel ira tan onkayat irad intiron mundo.

Saray Salmo 121:8

Iyagel to ka no onla kad laen mo tan no ompawil ka, natan tan anggad angga.

Saray Salmo 91:11

Iganggan na Dios iray anghil ton mangasikasod sika, tan mangyagel ed sikad inerman a laen mo.

Zacarias 9:11

Say Katawan kuanto, Lapud impisipanan kod sika samay sipanan a pinaletan na dala da ray bagat, ibolus ko ray totoom naagwat irad anggapoy danum a bobun na inkibantak ed arum a bansa.

Josue 3:17

Nen ombabaliw ed amagan dalin ira may totoo saramay paparin manasakbat ed samay Kaban na Sipanan et nanalagey irad amagan dalin ed pegley na Ilog na Jordan anggad akabaliw ya amin iray totoo.

Josue 4:10

Nanalagey ed pegley na Jordan ira may papari anggad asumpal ya amin iray ingganggan na Katawan ya ibaga nen Josue a gawaen na saray totoo. Sikato yay ingganggan nen Moises. Nangganat a binmaliw ira may totoo.