Genesis 8:12 - Maung a Balita Biblia

¹² Nanalagar ni na pitoy agew, insan to pinatikyab lamet imay malapati; natan ag la pinmawil.

Maung A Balita Biblia

¹² Nanalagar ni na pitoy agew, insan to pinatikyab lamet imay malapati; natan ag la pinmawil.

Genesis 8:12 Iomraidhean Croise

Genesis 8:10

Nanalagar na pitoy agew, insan pinatikyab to lamet imay malapati.

Genesis 8:11

Pinmawil na labi a sankatangal toy sakey a balon bolung na oliba. Naamtaan ed satan nen Noe ya ataptapew lay danum.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Isaias 25:9

No nagawa la ya, say balang too ikuanto, Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.

Isaias 26:8

Oonuren miy linawam tan manmamatalek kamid sika; sika labat so pampilpilalekan mi.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Jeremias 48:28

Sikayo ran taga Moab, taynanan yo ray baley yo! Laka yon manayam ed saray diking na kapalandeyan! Alig yo ray palekpek-punay a manobung ed saray gilig na kelas.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.