Genesis 6:2 - Maung a Balita Biblia

² Saray anak na Dios anengneng dan maganggana ra yan bibii, kanyan nampili ray inasawa ra.

Maung A Balita Biblia

² Saray anak na Dios anengneng dan maganggana ra yan bibii, kanyan nampili ray inasawa ra.

Genesis 6:2 Iomraidhean Croise

Genesis 12:11

Nen asingger to lan beltangen so ketegan a mamaarap ed Egipto, inkuantod kinen Sarai ya asawa to, Maganggana kan bii.

Genesis 24:3

Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko.

Genesis 26:35

Lapud sikara, nagmaliw a magunigon so bilay di Isaac tan Rebeca.

Genesis 27:46

Inkuanen Rebeca ed kinen Isaac, Agaylay irap ko tan onsasawa ak lad saray taga arum a bansa ya asawa nen Esau. No mangasawa met si Jacob na sakey ed saray Hetea a singa sikara, maung ni laingay inatey ak.

Genesis 3:6

Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

Genesis 4:26

Walay anak nen Set ya inngaran to na Enos. Diad sayan panaon, inggapo na katoowan so ontawag ed masanton ngaran a Yahweh.

Genesis 6:1

Nen ondarakel la ray katoowan tan akayatan da lay intiron mundo, dakel met la ray nianak a bibii.

Genesis 6:3

Insan inkuan na Katawan, Ag ko iyabuloy a mambilay ya anggad angga iray katoowan; ompatey ira. Manlapud natan, mambilay iray ag onsoluk ed sanlasus tan duamploy taon.

2 Samuel 11:2

Aminsan ya agew, nen ngarngarem la, binmangon si David ed pampapainawa to, insan linmad toktok na palasio. Diad panaakar-akar tod man akanengneng na sakey a biin manaames ed abung. Magangganan maung yan bii.

Esdras 9:12

Imbaga rad sikami ya ag kamin balut mangasawa o miasawa ed saraman a totoo. Imbaga ra met ya ag mi ran balut tulongan ya onaligwas o ombolaslas, no labay min kayaryanen so kaabigan na dalin tan ando lan andon ipatawir mid saray kabyangay boleg mi.

Say Libro nen Job 1:6

Nen sinmabiy agew ya onarap ed Katawan iray anghil na Dios wadman met si Satanas.

Say Libro nen Job 31:1

Sinambaan ko ya ag ak onlinggis a walay marotak a getmak ed sakey a marikit.

Exodo 34:16

Saray lalakin anak yo et asingger a mangasawa ra na saray bibiin anak da, et natanggoyur da ran ombeneg ed siak tan mangigalang ed saray diriyos da.

Isaias 63:16

Sika so ama mi. Ag kami bibirbiren na saray lalaki min di Abraham tan Jacob, balet sika, Katawan, so ama mi; sika lawas so mangyaagel ed sikami.

Malakias 2:11

Ag tinoor na saray totood Juda so sipan dad Dios tan nanggagawa rad Jerusalem tan diad intiron bansa na mabambanday a bengatla. Dinotakan da so Timplo ya inaro na Katawan. Saray lalaki et angaasawa ra na saray bibiin mangigagalang ed saray diriyos na arum a bansa.

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

1 CORINTO 7:39

Aliwan bolus so bii no mabilay ni so asawa to. Balet no inatey lay asawa to, nayarian to lay miasawa ed anggan siopan laki a labay to, balet nakaukolan a Cristiano yan laki.

2 CORINTO 6:18

Siak met lad satay magmaliw ya ama yo, tan sikayon lalaki tan bibii met la so magmaliw ya anak ko, say Makapanyarin-amin a Katawan onyay ibabaga to.

Deuteronomio 14:1

Sikayo ray totoo na Katawan a Dios yo. Kanyan no manermen kayod inatey, ag yo sasalgeren so laman yo o kikiskisan so arap na olo yo.

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

1 Juan 2:16

Amin a bengatlan walad mundosaray maoges a pilalek na too, saray labalabay a nengnengen tan alaen na totoo, tan amin a bengatla diad mundo ya ipapasirayew na totoonanlapu ra yan amin ed mundo. Anggapoy anggan sakey ed saraya so nanlapud Ama.