Genesis 41:16 - Maung a Balita Biblia

¹⁶ Inmebat si Jose, Ag ko nayarian, Kagalang kon Ari; balet say Dios so makapangiter na dugan talus na kogip.

Maung A Balita Biblia

¹⁶ Inmebat si Jose, “Ag ko nayarian, Kagalang kon Ari; balet say Dios so makapangiter na dugan talus na kogip.”

Genesis 41:16 Iomraidhean Croise

Genesis 37:14

Inkuanen ama to, Nengneng mo no antoy kipapasen da ray agagim tan saray karniro, insan pawil ka dia tan ibagam ed siak. Kanyan pinasiput nen ama to ed Patar na Hebron. Sinmabiy Jose ed Sikem,

Genesis 40:8

Inmebat ira, Walay kogip na balang sakey ed sikami, et anggapo diay makapangipatalus. Say Dios so manangipatalus, inkuanen Jose. Ibaga yod siak ira tay kogip yo.

Genesis 41:17

Inkuan na ari, Kinogip kon manalalagey ak ed pandel na Ilog na Nilo.

Genesis 41:25

Inkuanen Jose, Saksakey so talus da ra yan duan kogip mo; imbagay Dios ed sika so gawaen to.

Genesis 41:28

Onung na imbagak lad sika, impanengneng na Dios ed sika so gawaen to.

2 Saray Arari 6:27

Inmebat so ari, No ag ka tulongan na Katawan, antoy niiter kod sika? Wala sirin so trigok o alak ko?

Daniel 2:47

Inkuan na ari, Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.

Daniel 4:2

Dengel yoy isalaysay ko ran pakelaw tan milagro ya impanengneng ed siak na Sankatageyan a Dios.

Zacarias 4:6

Samay anghil imbaga tod kinen Zorobabel ira yan salita na Katawan: Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Saray Bilang 12:6

tan say Katawan kuanto, Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Lucas 19:42

tan inkuanto, No natalusan mo labat ed sayan agew no antoy makapangiter ed sikay kareenan! Balet natan niamut ed saray matam!

Saray Gawgawa 3:12

Kanengneng nen Pedro ed saray totoo inkuanto, Kaparak iran Israelita, akin et pankelawan yo yan agawa? Akin et ontan lay kanenengneng yod sikami? Say abaloan yo lagi, apaakar mi yan too lapud dilin pakapanyari o kasantosan mi.

Saray Gawgawa 3:7

Inegnaan tod kawanan a lima may lopuy, insan to inibaan ya onalagey. Tampol a binmiskeg iray sali tan saray kalit-kalit to,

1 CORINTO 15:10

Balet lapud baleg a panangaroy Dios, nagmaliw ak ya apostol, tan ag met naandiay kakanaan so baleg a panangaro ya inter tod siak. Mairap niy impankimey ko nen say siopaman ed sikara, anggaman ya aliwan lapud biskeg kon dili, no ag lapud baleg a panangaro na Dios ed siak.

2 CORINTO 3:5

No diad sikamin dili labat, ag mi nipasen a nagnap so pakayari mid sayan gawa; manlalapud Dios so antokaman a pakayari mi.

Deuteronomio 29:29

Wala ray arum a bengatlan iyaamut na Katawan a Dios tayo; balet impaamta tod sikatayo so Ganggan to, et sikatayo tan saray kabyangay boleg tayo nepeg ya onuren tayo ya anggad angga.