Genesis 4:16 - Maung a Balita Biblia

¹⁶ Tinmaynan si Cain ed arap na Katawan tan nanayam ed dalin a tatawagey Akar-akar, diad bokig na Eden.

Maung A Balita Biblia

¹⁶ Tinmaynan si Cain ed arap na Katawan tan nanayam ed dalin a tatawagey “Akar-akar,” diad bokig na Eden.

Genesis 4:16 Iomraidhean Croise

Genesis 3:8

Nen ngarngarem la arengel da so tanul na panaakar na Katawan a Dios ed tanamanan, kanyan inamutan dad otel na kakiewan.

Genesis 4:14

Patataynanen mo ak ed dalin tan diad arap mo. Magmaliw ak ya anggapoy abung tan akar-akar diad tapew na dalin, tan pateyen ak na siopaman a makalmod siak.

Genesis 4:17

Inakdulan nen Cain so asawa to, et nanlokun tan inngaran toy Enoc. Insan amaalagey na siudad si Cain tan inngaran tod ngaran na sayan anak to.

2 Saray Arari 13:23

balet mapangasi tan maabagey so Katawan ed sikara. Ag to inyabuloy a naderal ira, no ag ingen tinulongan to ra, lapud impisipanan tod kindi Abraham, Isaac, tan Jacob. Ag to nilingwanan iray totoo to.

2 Saray Arari 24:20

Lapud mapalalon pasnuk na Katawan, pinaekal tod arap to iray totood Jerusalem tan saray totood Juda.

Say Libro nen Job 1:12

Inkuan na Katawan ed kinen Satanas, Sigi sirin, ipalimak ed sikay amin a walad sikato, balet ag mo didiwiten si Job. Kanyan tinmaynan lad arap na Katawan si Satanas.

Say Libro nen Job 2:7

Tinmaynan ed arap na Katawan si Satanas tan pinagiri toy intiron laman nen Job.

Say Libro nen Job 20:17

Ompatey la kasakbayay pakanengneng tod saray ilog na larak na oliba, odino saray kolus a panagagosay gatas tan dilo.

Saray Salmo 5:11

Balet manliket ya amin iray sinmalimbeng ed sika; lapud liket da makapankanta ra lawas. Iyagel mo pa ray mangaarod sika; lapud sika tuan maliket ira.

Saray Salmo 68:2

No panoy ititikyab na asewek, ontan met so pamapagit tod sikara; no panoy katotonaw na ispirma ed abay na apoy, ontan met so ipapatey na saray totoon maoges ed arap na Dios.

Exodo 20:18

Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Jeremias 23:39

ya andi-duaruwan alsaen ko ra, insan ko ra ibantak ed arawi, sikara tan say siudad ya inter kod sikara tan saray lalaki ra.

Jeremias 52:3

Lapud mapalalon pasnuk na Katawan, pinaekal tod arap to iray totood Jerusalem tan saray totood Juda. Linmaban si Sedekias ed Ari Nabucodonosor na Babilonia.

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Mateo 18:20

Ta inerman so pantitiponay duara o taloran totoo lapud siak, wala ak ed nanleleetan da.

Lucas 13:26

Ikuan yo lamet, Amimpigan karongo mi ka ya angan, tan inminom, tan nambabangat ka nid baley mi!

Juan 1:10

Say Salita sirin walad mundo. Pinalsay Dios so mundo ed panamegley to, balet sikatoy ag amta na sankamundoan.

Juan 1:3

Diad panamegley to apalsa ya amiy bengatla; anggapoy bengatlan apalsa ya aliwan diad panamegley to.

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.