Genesis 32:6 - Maung a Balita Biblia

⁶ Nen pinmawil ed kinen Jacob ira may imbaki to, inkuanda, Linma kamid kinen agim ya Esau, tan wala lad dalan a mangabet ed sika. Kaiba toy apat a lasus a lalaki.

Maung A Balita Biblia

⁶ Nen pinmawil ed kinen Jacob ira may imbaki to, inkuanda, “Linma kamid kinen agim ya Esau, tan wala lad dalan a mangabet ed sika. Kaiba toy apat a lasus a lalaki.”

Genesis 32:6 Iomraidhean Croise

Genesis 32:11

Kerewen kod sika ya iyagel mo ak ed kinen Esau. Antakot ak ta ompan onla dian ondogpad sikami et pateyen to kamin amin, pati saray bibii tan saray ogogaw.

Genesis 32:7

Ataktakot tan agunigon si Jacob. Impankadwa to ray totoon kaiba to, saray karniro, kanding, baka, tan saray kamilyo.

Genesis 32:8

Inkuantod sikaton dili, No dogpaan toy onaan ya olup, nayarin makabatik so walad onur ya olup.

Genesis 33:1

Anengneng nen Jacob si Esau a nitan lan kaiba to ray apat a lasus a totoo to, kanyan inapag to ray ogogaw ed kindi Lea, Raquel, tan saramay duaran bibiin aripen to.

Genesis 33:15

Inkuanen Esau, No ontan sirin, mangitilak ak ed sika na pigaran totook. Balet inkuanen Jacob, Andi-bali la tan; masarag lay impamirdonam ed siak.

Genesis 33:8

Tinepet nen Esau, Antoy kabaliksan da ra may onaan a nabet ko? Inmebat si Jacob, Rigalok ira man ed sika, ta labay koy mipulangan ed sika.

Genesis 34:11

Insan inkuanen Sikem ed kinen ama nen Dina tan saray agagi ton lalaki, Iter yo yan kekerewen ko, et iter koy antokaman a labay yo.

Genesis 47:25

Inmebat ira, Sinambot moy bilay mi tan maung kad sikami; paaripen kami lad ari.

Amos 5:19

Saman ya agew et aliling toy toon ibabatikan toy lion balet ta nabet toy uso! Odino singa toon kasempet tod abung et inkapa tod padir so lima to, balet kinetket na oleg!

Ruth 2:13

Inkuanen Ruth, Agaylay abig na linawam ed siak. Pinabiskeg moy linawak lapud maolimek a panagsalitam ed siak, anggaman ya aliwa ak a singa sakey ed saray aripen mo.

Ruth 2:2

Aminsan ya agew inkuanen Ruth a Moabita ed kinen Noemi, Abuloyan yo ak pan mantortor ed kaalogan. Angangko walay manaanin mangasid siak ya ontombuk ak ed sikato. Inmebat si Noemi, On, anak ko, laka.

1 Samuel 1:18

Maabig lawas komun so linawa yod siak, ebat nen Ana. Tinmaynan la, angan, tan nakal lay ermen to.