Genesis 32:12 - Maung a Balita Biblia

¹² Ag mo pa lilingwanan ya insipan mon ag mo ak paolyan pian maung so pansumpalan ko; insipan mo met ya itdan mo ak na saray kabyangay boleg ko a diad kinarakel da et ag ira nabilang, ta singa kinarakel na buer ed gilig na dayat so bilang da.

Maung A Balita Biblia

¹² Ag mo pa lilingwanan ya insipan mon ag mo ak paolyan pian maung so pansumpalan ko; insipan mo met ya itdan mo ak na saray kabyangay boleg ko a diad kinarakel da et ag ira nabilang, ta singa kinarakel na buer ed gilig na dayat so bilang da.”

Genesis 32:12 Iomraidhean Croise

Genesis 22:17

isipan ko ya itdan ta ka ray kabyangay boleg mo a singa karakel a bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 32:6

Nen pinmawil ed kinen Jacob ira may imbaki to, inkuanda, Linma kamid kinen agim ya Esau, tan wala lad dalan a mangabet ed sika. Kaiba toy apat a lasus a lalaki.

1 Saray Arari 4:20

Singa la karakel na buer ed gilig na dayat so karakel na saray totood Juda tan Israel. Daakan so kakanen tan iinomen da; maliket so panagbilay da.

Exodo 32:13

Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, Aliwa kayon totook, balet onsabiy agew ya ibaga tod sikara, Sikayo ray anak na mabilay a Dios!

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Mateo 24:35

Naandipat so tawen tan dalin, balet ag balut naandipat iray salitak.

2 Timoteo 2:13

No aliwa tayon matoor, sikato nin siansia so matoor, ta ag to nibori so sikaton dili.

Tito 1:2

a niletneg ed ilalod andi-anggaan a bilay. Say Dios ya ag mantila so angisipan ed sayan bilay, nanlapu lad kasakbayan na inkapalsay mundo.

Saray Hebreo 11:12

Kanyan nanlapud sakey a toon nipasen ya inatey la so sakey a bansan saray kabyangan to et singa karakel na bitewen ed tawen, tan ag nabilang a buer ed gilig na dayat.

Saray Hebreo 6:17

Ontan met, pinaletay Dios so sipan to diad impansamba to, pian nipanengneng tod saray angisipanan to ya ag mansalat so getma to.

1 Samuel 15:29

Say mapagalang a Dios na Israel et ag mantila o mangoman na kanunotan. Aliwan too a mangoman na kanonutan.