Genesis 3:1 - Maung a Balita Biblia

¹ Say oleg so sankasiliban ed saray amin ya ayayep a pinalsay Katawan a Dios. Tinepet na oleg ed samay bii, Imbaga tan tua na Dios ya ag yo kanen so bunga na dinanman a kiew ed tanamanan?

Maung A Balita Biblia

¹ Say oleg so sankasiliban ed saray amin ya ayayep a pinalsay Katawan a Dios. Tinepet na oleg ed samay bii, “Imbaga tan tua na Dios ya ag yo kanen so bunga na dinanman a kiew ed tanamanan?”

Genesis 3:1 Iomraidhean Croise

Ecclesiastes 4:10

No atumbay sakey ed sikara, nipaalagey na sakey. Balet no atumba so toon bukbukor to, pangaskasiyay kipapasen to lapud anggapoy mangipaalagey ed sikato.

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Mateo 10:16

Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Mateo 4:3

Nitan met lay mananukso tan inkuanto, No sikan talagay Anak na Dios, iganggan mod sarayan bato a magmaliw iran tinapay.

Mateo 4:6

tan inkuanto, No sikan talagay Anak na Dios, tabuy ka! Ta ibabagay Masanton Sulat: Iganggan na Dios iray anghil ton mangasikasod sika; ampayaen da kad lima ra, pian diad bato anggan saray salim ag mo ra nitopa.

Mateo 4:9

Iter kod sika ra yan amin, kuay Diablo. No ondakmomo ka tan mangigalang kad siak.

2 CORINTO 11:14

Ag ya pankelawan, ta anggan si Satanas nayarian toy magmaliw a singa anghil na liwawa!

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

1 Pedro 3:7

Sikayo ra met a lalaki, talusan tan pagalangan yoy kaasawaan yo diad piaamung yod sikara, ta makapoy ira tan kapara yo ran manawir na bilay a rigaloy Dios. Diad panggawa yod saya, ag nasebelay pikakasi yo.

Puyan 12:15

Lapud saya, samay oleg nambogay danum a singa ilog ya ontombuk ed samay bii, pian naanor.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Puyan 20:2

Siningkat toy dragon, samay daan ya oleg a sikato met so Diablo, o Satanas, tan binalur tod loob na sanlibon taon.