Genesis 28:1 - Maung a Balita Biblia

¹ Tinawag nen Isaac si Jacob, inlugay to, tan inkuanto, Ag ka mangaasaway biin Cananea.

Maung A Balita Biblia

¹ Tinawag nen Isaac si Jacob, inlugay to, tan inkuanto, “Ag ka mangaasaway biin Cananea.

Genesis 28:1 Iomraidhean Croise

Genesis 24:3

Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko.

Genesis 24:37

Impansamba ak nen amok a tooren koy ganggan to. Inkuanto, Ag ka mampipili na asawaey anak ko ed saray mamarikit diad Canaan a panaayaman ko.

Genesis 24:4

Nakaukolan ya onla kad bansan nianakan ko, ta iyalaan moy Isaac ya anak ko na asawaen to diad saray kakanayon ko.

Genesis 27:4

Ilutoan mo ak na samay labalabay kon potahi, insan iyakar mo dia. Kasumpal kon mangan, iter kod sikay samput a bindision, kasakbayay ipatey ko.

Genesis 27:46

Inkuanen Rebeca ed kinen Isaac, Agaylay irap ko tan onsasawa ak lad saray taga arum a bansa ya asawa nen Esau. No mangasawa met si Jacob na sakey ed saray Hetea a singa sikara, maung ni laingay inatey ak.

Genesis 28:6

Naamtaan nen Esau a binindisionan nen Isaac si Jacob tan imbaki tod Mesopotamia a mananap na asawaen to. Naamtaan to met a nen binindisionan nen Isaac, ingganggan ton ag mangaasawa na biin Cananea.

Genesis 34:16

Onabuloy kami met a manaasawaan iray totoo mi tan saray totoo yo. Manayam kami dia tan mikasakey kamid sikayo.

Genesis 34:9

Mampapaknaan tayo ya iyabuloy tayoy panaasawaan na totoo tayo.

Genesis 38:2

Akabat tod may sakey a biin Cananea a say ama to et manngaray Sua. Inasawa to, nanlokun,

Genesis 48:15

Insan to binindisionan ni Jose: Sarayan lalaki bindisionan ira komun na Dios, say Dios a nilingkuran di amak ya Abraham tan amak ya Isaac! Bindisionan ira komun na Dios ya angiwanwan ed siak ya anggad sayan agew!

Genesis 49:28

Sikara yay labinduan tribu na Israel, tan sikara yay kaonuran a salita nen ama ra nen bindisionan toy balang sakey ed sikara.

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

Jeremias 29:6

Mangasawa tan miasawa kayo pian nawalaan kayo ray anak. Insan yo pangasawaen tan piasawaen iray anak yo, pian nawalaan met iray anak. Nakaukolan ya ondakel so bilang yo ya aliwan ondaiset.

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.