Genesis 26:25 - Maung a Balita Biblia

²⁵ Nanggaway altar diman si Isaac tan inggalang toy Katawan. Nankampod man, insan nankotkot lamet na bobun iray aripen to.

Maung A Balita Biblia

²⁵ Nanggaway altar diman si Isaac tan inggalang toy Katawan. Nankampod man, insan nankotkot lamet na bobun iray aripen to.

Genesis 26:25 Iomraidhean Croise

Genesis 13:18

Inyalis nen Abram so tulda to ed abay na saray masanton kiew ed Mamre diad Hebron tan nanayam diman. Nanggawad man met na altar a para Katawan.

Genesis 13:4

tan nanggawaan toy altar. Diman to inggalang so Katawan.

Genesis 22:9

Kasabi rad samay pasen ya imbagay Katawan, nanggaway Abraham na altar, tan inoksuy tod tapew ta imay kiew. Binalur toy anak to, insan to inyan ed tapew na samay kiew.

Genesis 26:32

Diad saman ya agew, pinmawil iray aripen nen Isaac tan imbalita rad sikato may bobun a kinotkot da. Inkuanda, Akalmo kamiy danum.

Genesis 33:20

Nanggawad may sakey ya altar tan nginaranan to para El, say Dios na Israel.

Genesis 35:1

Inkuan na Dios ed kinen Jacob, Lakan tampol ed Betel tan manayam kad man. Manggawa kad may altar a para siak a Dios a pinmayawar ed sika nen ibabatikan moy agim ya Esau.

Genesis 4:26

Walay anak nen Set ya inngaran to na Enos. Diad sayan panaon, inggapo na katoowan so ontawag ed masanton ngaran a Yahweh.

Genesis 8:20

Nanggaway Noe na altar a para Katawan; angalay sakey ed balang klasi na saray manok tan saray ayayep a malinis onung ed ganggan tan insaklang to ran bagat a popoolan ed altar.

Saray Salmo 116:17

Itdan ta kay bagat na pisasalamat tan mampikasi ak ed sika.

Exodo 17:15

Amaalagey na altar si Moises tan tinawag to na Say Katawan so Bandirak.