Genesis 24:53 - Maung a Balita Biblia

⁵³ Insan impaway to ray awit ton alahas a balituk tan pilak tan saray kawes, tan inter to rad kinen Rebeca. Initdan to met so lakin agi nen Rebeca tan say ina to na mabmabli ran rigalo.

Maung A Balita Biblia

⁵³ Insan impaway to ray awit ton alahas a balituk tan pilak tan saray kawes, tan inter to rad kinen Rebeca. Initdan to met so lakin agi nen Rebeca tan say ina to na mabmabli ran rigalo.

Genesis 24:53 Iomraidhean Croise

Genesis 24:10

Samay aripen, a makaoley ed kayaryan nen Abraham, angala na samploran kamilyo nen amo to, pinano toy beneg da na mabmabli ran rigalo, insan linmad siudad a nanayaman nen Nacor diad baybay na Mesopotamia.

Genesis 24:22

Kasumpal ya inminom ira may kamilyo, angipaway imay aripen na mabmablin singsing a balituk tan inyan tod eleng na samay marikit, insan to sinolungay duaran balituk a pulsiras iray taklay to.

2 Saray Awaran 21:3

Initdan iray ama ra na amayamay a balituk, pilak, tan arum nin mabmablin kayaryan, insan to impasen so balang sakey ed sikara a makaoley ed sakey a pinadir a siudad na Juda. Balet lapud sankapangulowanan si Jehoram, sikatoy pinili nen Josafat ya onsalat ed sikaton manari.

Esdras 1:6

Tinulongan ira na saray kaabay da diad impangiter dad sikara na saray ikakanan pilak, balituk, saray abasto, saray ayayep, saray arum a mabmablin kagawaan, tan saray bagat ya isaklang ed Timplo.

Exodo 11:2

Misalita ka natan ed saray Israelita tan ibagam ed sikara a mikerew irad saray kakaabay da na saray pilak tan saray balituk ya alahas.

Exodo 12:35

Ginawa na saray Israelita iray imbaga nen Moises, tan kinmerew irad saray Egipsio na pilak tan balituk ya alahas tan saray kawes.

Exodo 3:22

Onkerew so balang biin Israelita ed saray kaabay ton Egipsio, tan diad siopaman a biin Egipsio a manaayam ed abung to, na saray kawes tan saray alahas a balituk tan pilak. Paisolung yo ra yan bengatla ed saray anak yon lalaki tan bibii et, diad ontan, naalaan yo na kayamanan iray Egipsio.

Kanta nen Solomon 1:10

Agaylay dakep na buek mon manasakbung na lupam; singa ra alahas a mansaloyloy ed tenger mo.

Kanta nen Solomon 4:13

ontutubod man iray tantanaman. Ontutubo ran singa saray tanaman a granada tan mambubunga ray sankaabigan a bunga. Daakan iray pabalingit a hina tan nardo,

Isaias 39:2

Maliket si Ezekias ya nagawat ed saramay imbaki tan impanengneng ton amin iray kayamanan tosaray pilak tan saray balituk to, saray rikado tan saray pabalingit to, tan amin a kagawaan na saray sondalo. Anggapoy ag to impanengneng ed sikara a bengatlan walad saray kuarton panagsinupan odino walad anggan iner a pasen na nanarian.