Genesis 24:12 - Maung a Balita Biblia

¹² Nampikasi may aripen, Katawan a Dios nen amok ya Abraham, maung komun so pansumpalan to yan akar ko natan, tan toor mo pay sipan mod amok.

Maung A Balita Biblia

¹² Nampikasi may aripen, “Katawan a Dios nen amok ya Abraham, maung komun so pansumpalan to yan akar ko natan, tan toor mo pay sipan mod amok.

Genesis 24:12 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, Ag ka natatakot, Abram. Salimbengan ta kad kaatapan tan itdan ta kay baleg a tumang.

Genesis 24:21

Mamambantay imay aripen tan ag oneseesel, ta labay ton amtaen no kasin say Katawan et inyabuloy to a maung so pansumpalan na sayan akar to odino andi.

Genesis 24:27

Inkuanto, Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.

Genesis 24:42

Nen sinmabi ak ed bobun diad sayan agew, impikasik, Katawan a Dios nen amok ya Abraham, iyabuloy mo pan maung so pansumpalan na sayan gagawaen ko.

Genesis 24:48

Tinmalimukor ak tan inggalang koy Katawan. Indayew koy Katawan a Dios na amok ya Abraham ya angiwanwan ed siak a tampol ed kanayon na amok, a walay biin anak ton nalmok a para anak na amok.

Genesis 26:24

Diad saman a labi na intaynan to pinmayawar ed sikato so Katawan tan inkuanto, Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.

Genesis 27:10

Sikay onlan mangiter ed sikato, pian sikay pangiteran toy bindision to, kasakbayay ipatey to.

Genesis 27:20

Inkuanen Isaac, Panoy impakalam a tampol, anak ko? Inmebat si Jacob, Tinulongan ak na Dios a Katawan yo.

Genesis 28:13

Insan anengneng toy Katawan a manalalagey ed abay to. Inkuan na Katawan, Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Genesis 32:9

Insan nampikasiy Jacob, Dios nen lakik ya Abraham tan Dios nen amak ya Isaac, dengel mo ak pa! Imbagam ed siak, Katawan, ya ompawil ak ed dalin ko tan saray kakanayon ko, tan ag mo ak paolyan pian maung so pansumpalan ko.

Genesis 43:14

Iyabuloy komun na Dios a Makapanyarin-amin a kasian to kayo tay too, pian ipawil tod sikayo si Benjamin tan samay sakey ya agi yo. Para say siak, no nepeg a naandid siak iray anak ko, sipaparaan ak.

1 Saray Arari 18:36

Diad oras na panagbagat ed ngarem, inasinggeran nen Elias imay altar tan nampikasi, O Katawan a Dios di Abraham, Isaac, tan Jacob, ipaamtam natan a sikay Dios na Israel, tan siak so aripen mo a nanggawad saya, lapud panangiganggan mo.

2 Saray Arari 2:14

Impaspas tod danum imay kolibemben nen Elias tan kuanto, Kawalaan na Katawan, say Dios nen Elias? Pinaspas to lamet so danum, et abelsay, kanyan nanakar ya anggad basil na ilog.

Nehemias 1:11

Dengel mo natan so pikakasik tan saray pikakasi da ray arum ya ariripen mo a labay da kan pagalangan. Paaligwas mo ak pa natan, tan iyabuloy mon kasian ak na impirador. Diad saraman ya agew siak so makaoley ed alak na impirador.

Nehemias 2:4

Tinepet na impirador, Anto siriy labay mon kerewen? Nampikasi ak ed Dios na Tawen,

Saray Salmo 118:25

Ilaban mo kami, pikasi mid sika, Katawan! Paaligwas mo kami pa, Katawan!

Saray Salmo 122:6

Pikasi yoy kareenan na Jerusalem: Onaligwas komun iray mangaarod sika!

Saray Salmo 127:1

No ag ipaalagey na Katawan so abung, anggapoy kana so sagput da ray managpaalagey; no ag iyagel na Katawan so siudad, anggapoy kana so pambabantay da ray guardia.

Saray Salmo 37:5

Ipiam ed Katawan so bilay mo; manmatalek kad sikato, et sikay tulongan to;

Exodo 3:15

Ibagam ed saray Israelita a siak a Katawan, say Dios na saray lalaki ra, say Dios nen Abraham, Isaac, tan Jacob, so angibakid sika ed sikara. Sikato yay ngaran kod anggad angga; sikato yan ngaran so tawagan na amin a kailalakan.

Exodo 3:6

Siak so Dios na saray lalakim, say Dios di Abraham, Isaac, tan Jacob. Sinakuban nen Moises so lupa to, ta tinmakot ya onnengneng ed Dios.

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Mateo 22:32

Siak so Dios nen Abraham, Dios nen Isaac, tan Dios nen Jacob. Say labay to yan ibaga sikatoy Dios da ray mabilay, aliwan Dios na saray inaatey.

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.