Genesis 21:7 - Maung a Balita Biblia

⁷ Insan inkuanto ni, Wala kasiy akakpel ya angibagad kinen Abraham a mampasuso ak niy ogaw? Anggaman ontan, nananak kami na sakey a laki, anta matakken lay masiken ko.

Maung A Balita Biblia

⁷ Insan inkuanto ni, “Wala kasiy akakpel ya angibagad kinen Abraham a mampasuso ak niy ogaw? Anggaman ontan, nananak kami na sakey a laki, anta matakken lay masiken ko.”

Genesis 21:7 Iomraidhean Croise

Genesis 17:17

Dinmakmomo si Abraham ya anggad dalin so lupa to, balet akalek nen ninunot tod sikaton dili, Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to?

Genesis 18:13

Tinepet na Katawan ed kinen Abraham, Akin et inmelek si Sara tan inkuanto, Makapananak ak ni kasi, anta akolaw ak la?

Genesis 21:8

Binmaleg imay ogaw tan diad agew ya impamaksod sikato, nantaryay baleg a ponsia si Abraham.

1 Saray Arari 11:20

Akaanak ed sikato na sakey a laki a si Genubat, a pinabaleg na riyna ed palasio a dimay nanayaman ton kaiba to ray lalakin anak na ari.

1 Saray Arari 3:21

Diad kaimbuas, abangon ak, et nen pasusoen ko lay anak ko anengneng kon inatey met la. Ninengneng kon maung imay ogaw, et abirbir kon ag ko anak.

Saray Salmo 86:10

Sikay makapanyari tan manggagawa ka ray pakelaw; bukor mo so Dios.

Saray Salmo 86:8

Anggapod saray diriyos so miparad sika, Katawan, anggapoy siopaman a makagawa ed saray ginawam.

Isaias 49:21

Insan mo ibaga satan ed sikan dili, Siopay angyanak ed sarayan anak a para siak? Abalang ko ray anak ko tan ag ak la makaanak. Nibantak tan apataynan ak ed arawin dalin siopay amabaleg ed sarayan anak? Atilak ak a bukbukor iner so nanlapwan na sarayan anak?

Isaias 66:8

Wala ta lay akanengneng o akadngel na nipaakar ed sayan inkagawa? Nianak kasi ed sanagew so sakey a bansa? Ag la nepeg a manirap a mabayag so Sion, kasakbayan a niletneg so bansa.

Jeremias 20:15

Nisamba komun so lakin pinaliket toy amak, nen imbawag tod amak so balita, Laki! Laki so anak mo!

Saray Bilang 23:23

Anggapoy panamalikdo odino panagsalamangka diad pananulong na maoges ya ispiritu A makasumpa ed bansan Israel. Natan saray totoo ikuanda nipaakar ed Israel. Nengneng yo no antoy ginawa na Dios!

TAGA-EFESO 3:10

pian diad panamegley na iglisia, nipakabat natan so andi-anggaan a kakabatay Dios ed saray manoley tan saray walay pakayari ed katawenan.

2 TESALONICA 1:10

Nagawa ya ed Agew ya isabi ton mangawat na galang a manlapud saray totoon pinili to, tan say dayew a manlapud saray mananisiad sikato. Kaiba da kayo met, ta sinisia yoy Maung a Balitan impulong mid sikayo.