Genesis 20:2 - Maung a Balita Biblia

² imbaga ton agi toy Sara ya asawa to. Kanyan impaawit nen Ari Abimelec na Gerar si Sara.

Maung A Balita Biblia

² imbaga ton agi toy Sara ya asawa to. Kanyan impaawit nen Ari Abimelec na Gerar si Sara.

Genesis 20:2 Iomraidhean Croise

Genesis 12:15

Anengneng na pigarad saray opisyal na palasio tan imbalita rad ari so ontan lan ganggana to; kanyan inawit day Sarai ed palasio na ari.

Genesis 20:12

Diad tuay tua, sikatoy agik ta saksakey so ama mi, balet sananey so ina to. Anggaman ontan, sikatoy inasawak.

Genesis 21:22

Diad saman a panaon inawit nen Abimelec si Ficol a pangulo na saray sondalo to, linma rad kinen Abraham tan inkuanen Abimelec, Walad sikay Dios ed antokaman a gagawaen mo.

Genesis 26:1

Wala lamet so sinmabin eras ed Canaan, likud ed samay sinmabi la nen panaon nen Abraham. Linmay Isaac ed kinen Abimelec ya ari na Palestina, diad Gerar.

Genesis 26:16

Insan inkuanen Abimelec ed kinen Isaac, Taynan kad bansa mi, ta nagmaliw kan makapanyari nen say sikami.

Genesis 26:7

Nen tinepet na saray lalakid man so nipaakar ed asawa to, imbaga ton agi to, lapud antakot a mangipatuan asawa to. Antakot ta ompan pateyen da, et naala ray Rebeca a maganggana.

2 Saray Awaran 19:2

Si propita Jehu a lakin anak nen Hanani inabet toy ari tan kuantod sikato, Abaloan mo a maung a tulongan iray maoges a totoo, tan say migampi ed mamobusol ed Katawan? Diad impanggawam na onya, impanpasnuk mod sika so Katawan.

2 Saray Awaran 20:37

Balet si Eliezer a lakin anak nen Dodava a taga baley na Maresa et pinasakbayan toy Josafat, Lapud akigampi kad Ahazia, deralen na Katawan so ginawam. Et aderal a tua ira may ginagawa ton bapor kanyan ag la ran balut nibiahi.

2 Saray Awaran 32:31

Kanyan anggan nen sinmabi ray taga Babilonia a nibakin manosisad nidoma-doman agawa ed bansa to, inabuloyan na Dios si Ezekias a gawaen toy labay ton dili pian nasubok so petepeteg ya inkatoo to.

Probirbio 24:16

Anggan mamimpigay katumba na toon maptek so panagbilay to, ombangon ya ombangon. Balet say toon maoges deral so onsasabid sikato.

Probirbio 29:25

Maatap so bilay mo no pibabalian mo so nununoten na saray totoon nipaakar ed sika, balet arawi kad kaatapan no manmatalek kad Katawan.

Probirbio 6:29

Onya so nagawa no miakdul so sakey a laki ed asawa na arum a laki. Nadusa so siopaman a manggawa ed saya.

Ecclesiastes 7:20

Anggapoy too diad tapew na dalin a manggagawa lawas na kamaungan tan ag balut mankasalanan.

TAGA-EFESO 4:25

Kanyan ag ki la mantitila, no ag ingen salita yoy katwaan ed agagi yo, ta kabyangan itayon amin na saksakey a laman.

COLOSAS 3:9

Ag ki met la mantitilaan, ta sinalatan yo lay daan ya inkatoo, pati saray kagagawa to,