Genesis 2:18 - Maung a Balita Biblia

¹⁸ Insan inkuan na Katawan a Dios, Aliwan maung a mambukbukor so too. Igawaan ko na sakey a manepeg a kaiba to tan katulongan to.

Maung A Balita Biblia

¹⁸ Insan inkuan na Katawan a Dios, “Aliwan maung a mambukbukor so too. Igawaan ko na sakey a manepeg a kaiba to tan katulongan to.”

Genesis 2:18 Iomraidhean Croise

Genesis 1:31

Ninengneng na Dios iray pinalsa to, et maung a tuloy iran amin. Linmabas so labi tan sinmabiy kabwasansikato ya so kumanem ya agew.

Genesis 2:20

Samay too sirin initdan toy kangaranan iray amin a manok tan ayayep; balet anggapod saraya so manepeg a kaiba to tan katulongan to.

Genesis 3:12

Inmebat imay laki, Samay biin inter mon kaibak et inter tod siak imay bunga, insan ko kinan.

Probirbio 18:22

Say toon akalmo na maung ya asawa to akarumog na maung a bengatla; ipapanengneng na saya a maung so linawa na Katawan ed sikato.

1 CORINTO 7:36

Nipaakar ed saray nasipanan a mankasal ya ag da labay lan ituloy so pankasal da, onyay ibagak: no isipen na laki a mabanday yan nagawad kasipan to, no ag to la napokpokay pilalek na laman to, tan nalikna ton nakaukolan iran mankasal, nepeg a mankasal ira, onung ed labay to. Anggapoy kaogsan to ya.

1 Pedro 3:7

Sikayo ra met a lalaki, talusan tan pagalangan yoy kaasawaan yo diad piaamung yod sikara, ta makapoy ira tan kapara yo ran manawir na bilay a rigaloy Dios. Diad panggawa yod saya, ag nasebelay pikakasi yo.

Ruth 3:1

Insan inkuanen Noemi ed kinen Ruth, Nepeg ya iyanapan ta kay mangasawad sika, pian nawalaan kay dilin abung mo.