Genesis 16:11 - Maung a Balita Biblia

¹¹ Mananak kay sakey a laki, tan ingaran mo na Ismael, ta nadngel na Katawan so tagleey mo.

Maung A Balita Biblia

¹¹ Mananak kay sakey a laki, tan ingaran mo na Ismael, ta nadngel na Katawan so tagleey mo.

Genesis 16:11 Iomraidhean Croise

Genesis 17:19

Balet inkuan na Dios, Andi. Mananak na sakey a laki si Sara ya asawam tan ingaran mo na Isaac. Tooren ko so impisipanan kod sikato tan saray kabyangay boleg to. Anggad-angga yan sipanan.

Genesis 21:17

Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, Antoy panggugunigonan mo, Agar? Ag ka natatakot. Arengel na Dios so panaakis na ogaw.

Genesis 37:25

Nen mangakan ira, anengneng day olup na saray Ismaelita a nanlapud Galaad tan mamapaarap irad Egipto. Napnoy beneg na kamilyo ra na pasas tan rikado.

Say Libro nen Job 38:41

Siopay mamapakan ed saray wawak no liber-liber iran narasan, no saray sibong da et onkekerew irad siak na nakan?

Saray Salmo 22:24

Say Katawan, ag to papaolyan iray mairap-bilay, tan ag to lilingwanan so kairapan da; ag to met ira bebenegan, no ag ingen eebatan to ra no onkekerew iray tulong.

Exodo 3:7

Insan say Katawan inkuanto, Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Exodo 3:9

Nadngel koy tagleey na saray totook tan anengneng kon peteg so pamapairap na saray Egipsio ed sikara.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Lucas 1:13

Inkuanto may anghil, Ag ka natatakot, Zacarias, ta dinengel na Dios so pikakasim! Si Elizabet ya asawam et mananak na sakey a laki. Juan so pangingaran mod sikato.

Lucas 1:31

Manlokun tan mananak kay sakey a laki, tan Jesus so pangingaran mod sikato.

Lucas 1:63

Kinmerew si Zacarias na pansulatan to, tan insulat to: Juan so ngaran to! Mankelaw iran amin!

1 Samuel 1:20

Nanlokun sirin tan nananak na sakey a laki. Inngaran to na Samuel, ta inkuanto, Kinerew ko ed Katawan.