Exodo 7:3 - Maung a Balita Biblia

³ Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto.

Maung A Balita Biblia

³ Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto.

Exodo 7:3 Iomraidhean Croise

Nehemias 9:10

Nanggagawa ka na saray makapakelaw a milagro sumpad ari na Egipto, sumpad saray opisyal to tan saray totood nanarian to lapud amtam no panoy impamapairap dad saray totoom. Binmantug kad saman tan bantug ka ni ya anggad natan.

Saray Salmo 135:9

Nanggawad man na saray milagro tan pakelaw a panusa tod ari tan amin da ray opisyal to.

Saray Salmo 78:12

Diad imatun da ray lalaki ra, nanggaway milagro so Dios, diad patar na Soan na dalin na Egipto.

Exodo 11:10

Ginawa di Moises tan Aaron ira yan amin a milagro diad arap na ari, balet pinaawet na Katawan so puso na ari, kanyan ag abuloyan na ari ya ontaynan iray Israelita ed bansa to.

Exodo 11:9

Say Katawan inkuantod kinen Moises, Ituloy na ari so ag to idengel ed sika, pian nadakelan koy milagron gawaen ko ed Egipto.

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan. Ginawa na saray Israelita so nibagad sikara.

Exodo 3:20

Balet ipakanak so pakayarik ed Egipto tan dusaen ko na saray makapataktakot a pakelaw a gawaen kod man. Kasumpal na sarayan nagawa, abuloyan to kayo lan onla.

Exodo 4:21

Say Katawan inkuanto lamet ed kinen Moises, No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Exodo 4:29

Insan linmad Egipto ira di Moises tan Aaron, tan tinipon da ray amin a pangulo na saray Israelita.

Exodo 4:7

Inkuan na Katawan lamet ed sikato, Isoksok moy limam ed dalem na kawes mo. Insoksok toy lima to, et nen inoyus to malinis lamet a singa arum a parti na laman to.

Exodo 7:13

Balet nansiansian anawet so puso na ari, tan onung na imbaga na Katawan, ag dinmengel ed kindi Moises tan Aaron so ari.

Exodo 9:16

Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Mikias 7:15

Manggawa ka pa na saray milagro ed sikami a singa samay ginawam diad saramay agew ya impaway mo kamid Egipto.

Juan 4:48

Inkuanen Jesus ed sikato, Anggapod sikayoy manisia likud no makanengneng kayo ray tanda tan makapakelaw iran gawa.

Saray Gawgawa 2:22

Sikayo ran Israelita, dengel yo yay ibagak! Si Jesus a taga Nazaret et imbaki na Dios. Pinaneknekan ya na saray milagro, saray pakelaw, tan saray tanda a ginagaway Dios diad panamegley to. Kabat yo ra ya, ta naimatunan yo ra yan amin ya agawgawa.

Saray Gawgawa 7:36

Sikatoy angipangulod impaway na saray Israelita ed Egipto, tan amayamay so ginagawa ton milagro tan pakelaw diad Egipto, diad Dayat ya Ambalanga, tan diad kalawakan ed loob na apataploy taon.

Saray Taga Roma 15:19

say pakayari da ray tanda tan milagro, tan say pakayari na Ispiritu Santo. Kanyan diad impambiahik nanlapud Jerusalem ya anggad Ilirico, nipulong ko lan sigput so Maung a Balitan nipaakar ed Cristo.

Saray Taga Roma 9:18

Kanyan kasian na Dios so labay ton kasian, tan paaweten toy puso na labay ton paaweten.

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

Deuteronomio 7:19

Nunot yo ra may makapataktakot a salot ya anengneng na dilin mata yo, saramay milagro tan pakelaw, tan samay baleg a pakayari tan biskeg na Katawan a Dios yo ya impangibolus tod sikayo. Pateyen to ra yay totoon tatakotan yo natan a singa impamatey tod saray Egipsio.