Exodo 4:11 - Maung a Balita Biblia

¹¹ Inkuan na Katawan ed sikato, Siopay nanggawa na sangiy too? Siopay nanggagawa a telek tan omel so too? Siopay mangiiter na pakanengneng tan say pakabulag ed too? Aliwa tan siak a Katawan?

Maung A Balita Biblia

¹¹ Inkuan na Katawan ed sikato, “Siopay nanggawa na sangiy too? Siopay nanggagawa a telek tan omel so too? Siopay mangiiter na pakanengneng tan say pakabulag ed too? Aliwa tan siak a Katawan?

Exodo 4:11 Iomraidhean Croise

Genesis 11:7

Onakseb itayo tan pandoromaen tayoy salita ra, pian ag ira makapantatalusan.

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.

Saray Salmo 146:8

tan iitdan toy pakanengneng iray bulag. Itatanduro to ray atumba; aaroen to ray matonung a totoo to.

Saray Salmo 51:15

Tulongan mo ak pa a mansalita, O Katawan, et idayew ta ka.

Saray Salmo 94:9

Pinalsa na Dios iray layag tayoag to makadngel? Pinalsa to ray mata tayoag to makanengneng?

Probirbio 20:12

Say Katawan initdan to itayo na saray mata a pannengneng, tan saray layag a pandengel.

Isaias 42:7

Itdan moy pakanengneng iray bulag, tan ibolus mo ray akayorung ed ambilonget a prisowan.

Isaias 6:7

Indelnet tod bibil ko may ngalab tan kuanto, Nidelnet ya ed bibil mo, et natan naandi lay kaogsan mo tan apirdona la ray kasalanan mo.

Jeremias 1:6

Insan ko inkuan, Katawan a Dios, ag ko amtay mansalita; ogaogaw ak ni.

Jeremias 1:9

Insan inyonat na Katawan so taklay to, diniwit to ray bibil ko, insan kuantod siak, Nia, iter kod sika ray nepeg mon salitaen.

Ezekiel 33:22

Diad samay labi kasakbayan na insabi to, aliknak so biskeg na pakapanyari na kiwawalay Katawan. Nen sinmabi may too ed samay kaimbwasan, impawil na Katawan ed siak so pakapansalita lamet.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Mateo 11:5

saray bulag makakanengneng ira, saray lopuy makakaakar ira, saray akating onaabig ira, saray telek mamakadngel ira, saray inaatey nabibilay ira, tan saray mairapbilay nipupulong ed sikara so Maung a Balita.

Lucas 1:20

Manlapud natan naemel ka tan ag ka makasalita, anggad pakagawa na sayan imbagak, lapud ag mo panisiaan ya ontua ray imbagak ed sika no nasabiy niganan agew.

Lucas 1:64

Diad saman a bekta ginmapon nansalita lamet si Zacarias, tan inggalang toy Dios.

Juan 10:21

Balet inkuanday arum, Ag makapansalitay onya so toon inaponay dimonyo! Nayarian kasi na dimonyo so mangiter na pakanengneng ed saray bulag?