Exodo 4:1 - Maung a Balita Biblia

¹ Insan inmebat si Moises ed Katawan, Balet no ag ak bilang sisiaen na saray Israelita, tan ag da dengelen so ibagak, tan supyaten da ak a kuanda, Andi, ag pinmatnag ed sika so Katawan, antoy gawaen ko?

Maung A Balita Biblia

¹ Insan inmebat si Moises ed Katawan, “Balet no ag ak bilang sisiaen na saray Israelita, tan ag da dengelen so ibagak, tan supyaten da ak a kuanda, ‘Andi, ag pinmatnag ed sika so Katawan,’ antoy gawaen ko?”

Exodo 4:1 Iomraidhean Croise

1 Saray Arari 13:3

Intuloy na samay propita ya inkuan, Natemek yan altar, tan nataytayak iray dapul to. No nagawa ya, naamtaan mod satan a nansalitay Katawan diad panamegley ko.

Exodo 2:14

Inmebat imay too, Siopa so anorod sika a manoley tan manintinsia ed sikami? Labay mo ak a pateyen a singa impamatey mod samay Egipsio? Tinmakot ed satan si Moises tan inkuantod sikaton dili, Akabatan la na totoo imay ginawak.

Exodo 3:15

Ibagam ed saray Israelita a siak a Katawan, say Dios na saray lalaki ra, say Dios nen Abraham, Isaac, tan Jacob, so angibakid sika ed sikara. Sikato yay ngaran kod anggad angga; sikato yan ngaran so tawagan na amin a kailalakan.

Exodo 3:16

Laka sirin, ta tipon mo ray pangulo na Israel tan ibagam ed sikara a siak, say Katawan na saray lalaki ra, say Dios di Abraham, Isaac, tan Jacob et pinmanengneng ak ed sika. Ibagam met ed sikara a dinalaw ko ra tan anengneng koy gagawaen na saray Egipsio ed sikara.

Exodo 3:18

Dengelen day salitaen mod saray totook, insan ka nepeg ya onlad ari na Egipto a kaolup mo ray pangulo na Israel, tan ikuanyod sikato, Pinmanengneng ed sikami so Katawan a Dios min Israelita. Abuloyan mo kami pan onlad kalawakan ed loob na taloy agew, ta mangibagat kamid Katawan a Dios mi.

Exodo 4:10

Balet si Moises inkuanto, Katawan, gendat ya aliwa ak a marunong a mansalita, tan onya ak ni, anggaman ya akitongtong ka lad siak. Makapoy ak a mansalita tan ata-ata ak.

Exodo 4:30

Imbaga nen Aaron ed sikara so amin a sinalitay Katawan ed kinen Moises; insan nanggawa na saray pakelaw si Moises diad imatun da ray katoowan.

Exodo 4:31

Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Exodo 6:12

Balet inmebat si Moises, Panoy idengel ed siak na ari, anta ag ak dengelen na anggan saray Israelita? Makapoy ak ni met a mansalita.

Exodo 6:30

Balet inmebat si Moises, Amtam so kakapoyan kon mansalita. Panoy idengel na ari ed siak?

Jeremias 1:6

Insan ko inkuan, Katawan a Dios, ag ko amtay mansalita; ogaogaw ak ni.

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Saray Gawgawa 7:25

(Abaloan ton natalusay kapara to ran Israelita ya ilaban iray Dios diad panamegley to, balet ag da atalusan.)

Saray Huis 6:17

Inmebat si Gedeon, No tuan inaro mo ak, ipanengneng mod siak so pakapatnagan a sikan tuay Katawan.