Exodo 38:1 - Maung a Balita Biblia

¹ Nanggawa na altar ya akasia a panagpoolan na saray bagat. Kuadrado yan altar; duara tan kapalduan mitro so karokey to, tan duara tan kapalduan mitro so kaawang to tan sakey tan kapalduan mitro so kaatagey to.

Maung A Balita Biblia

¹ Nanggawa na altar ya akasia a panagpoolan na saray bagat. Kuadrado yan altar; duara tan kapalduan mitro so karokey to, tan duara tan kapalduan mitro so kaawang to tan sakey tan kapalduan mitro so kaatagey to.

Exodo 38:1 Iomraidhean Croise

2 Saray Awaran 1:5

Wadman met et Gabaon diad arap na Tuldan Ayamay Katawan so gansan altar a ginawa nen Bezalel a lakin anak nen Uri tan apo nen Hur. Si Solomon tan amin da ray totoo et inggalang day Katawan diman ed Gabaon.

2 Saray Awaran 4:1

Nanggawa si Ari Solomon na gansan altar a samploran mitro a kuadrado tan limaran mitroy kaatagey to.

Exodo 25:5

ambalangan pinamagan katat na karniron kalakyan; pinon katat; tablan akasia;

Exodo 30:17

Say Katawan kuantod kinen Moises,

Exodo 31:9

say altar a panangisaklangan na bagat a popoolan tan amin a kagawaan to, say talyasi tan say ansagan to,

Exodo 38:2

Nanggawa na saray pinagkasaklur ed toktok na apatiran suyok, tan akatekep ira ed samay altar. Inokupan to ra na gansa.

Exodo 40:29

tan diman ed arap na kurtina inlira to may altar a panagpoolan na saray bagat. Dimad tapew na altar insaklang toy bagat a popoolan tan say bagat a trigo, onung na ingganggan na Katawan.

Exodo 40:6

Iliram ed arap na Tulda so altar a panagpoolan na saray bagat.

Juan 6:37

Ondagon amin iray iter na Ama ed siak. Ag con balut ipolisay so siopaman ya ondagod siak.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Hebreo 13:10

Saray paparin manlilingkur ed panangigalangan da ray Judio et anggapoy kanepegan dan mangan ed saray bagat diad altar tayo.

Saray Hebreo 13:8

Si Jesu-Cristo sikato met lamlamang karuman, natan, tan anggad angga.

Saray Hebreo 3:1

Agagik irad pananisia, a tinawag met na Dios! Imano yo pay Jesus ya imbakiy Dios a magmaliw a Pangulon Pari ed pananisian ibabawag tayo.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

Puyan 21:16

Kuadradoy sukat to may siudad: namparay kaawang tan say karokey to. Sinukat na samay anghil so siudad: duan libo tan apat a lasus a kilomitro so karokey to; onya met so kaawang tan kaatagey to.