Exodo 34:21 - Maung a Balita Biblia

²¹ Walay anem agew a pakapankimey yo, balet mampainawa kayo no kumapiton agew, anggan panaon na panagbaka odino panagani.

Maung A Balita Biblia

²¹ “Walay anem agew a pakapankimey yo, balet mampainawa kayo no kumapiton agew, anggan panaon na panagbaka odino panagani.

Exodo 34:21 Iomraidhean Croise

Genesis 45:6

Kumadwa yan taon labat na eras; wala niy limaran taon ya ag nayariy mambaka tan anggapoy naani.

Nehemias 13:15

Diad saman a panaon akanengneng ak ed Juda na saray totoon mamepespes na ubas no Agew na Panagpainawa. Saray arum papanoen day beneg na saray asno ra na trigo, alak, ubas, igos, tan arum ni ran bengatla, insan da iyaakar ed Jerusalem; pinasakbayan ko ran ag ira mangilalako ed saman ya agew.

Exodo 23:12

Mankimey kayo na anem agew ed loob na sakey simba, balet ag kayo mankikimey ed kumapiton agew, pian makapampainawa ray aripen tan saray sangkailin kumikimey yo, a pati saray ayayep yo.

Exodo 31:15

Anem agew a makapankimey kayo, balet say kumapiton agew et masanton agew a nisaklang ed siak. Siopamay toon manggaway kimey ed sayan agew, nepeg a pateyen.

Exodo 35:2

Anem agew a makapankimey kayo, balet masanto so kumapiton agew, sakey a masanton agew na panagpainawa a nisaklang ed siak a Katawan. Siopamay mankimey ed satan ya agew nepeg a pateyen.

Isaias 30:24

Mangan na sankaabigan tan sankalangweran a dika iray bakan kalakyan tan saray asnon mambaka na saray kaalogan yo.

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Lucas 13:14

Balet nampasnuk so inkargadoy sinagoga, lapud amaabig si Jesus ed Agew na Panagpainawa. Inkuantod saray totoo, Walay anemiran agew a niganan pankimey. Laki diad sarayan agew a mampatambal, aliwan sano Agew na Panagpainawa!

Lucas 23:56

Kasumpal to, sinmempet ira tan angiparaan iray pabalingit tan mira a para samay bangkay. Nen Agew na Panagpainawa, nampainawa ra, onung na ibabagay Ganggan.

Deuteronomio 21:4

Iyakar da ed sakey a pasen ya asingger ed kolus ya ag balut nanaekatan, tan ag nin balut abaka o ataneman so dalin a kawalaan to, insan dad man balekneen so beklew to may baka.

1 Samuel 8:12

Pagmaliwen to ray arum ed sikara a pangulo na tunggal libon sondalo, tan saray arum pangulo na tonggal limamplon sondalo. Pambakaen tod alog to iray anak yo, pananien to ra, tan panggawaen to ra na armas tan kagawaan na saray karwahi to.