Exodo 32:5 - Maung a Balita Biblia

⁵ Insan si Aaron nanggawa na altar ed arap na samay balituk a bakan kalakyan tan imbawag to, Nabwas walay pista a pamagalang ed Katawan.

Maung A Balita Biblia

⁵ Insan si Aaron nanggawa na altar ed arap na samay balituk a bakan kalakyan tan imbawag to, “Nabwas walay pista a pamagalang ed Katawan.”

Exodo 32:5 Iomraidhean Croise

1 Saray Arari 21:9

Onyay tanul na saray sulat: Ibawag yoy sakey ya agew a panayuno, pantitipon yo ray totoo, insan yo payorungen ed pasen na kagalangan si Nabot.

2 Saray Arari 10:20

Insan ingganggan nen Jehu, Mampili kayoy sakey ya agew a pangigalang ed Baal! Nampili ra sirin,

2 Saray Arari 16:11

Kanyan angipaalagey si Urias na altar a kaparpara to may altar ed Damasco tan sinumpal to kasakbayay impawil nen Acaz.

2 Saray Awaran 30:5

kanyan inimbitaan da ray amin ya Israelita, manlapud Dan ed baybay ya anggad Beer-seba diad abalaten, ya onla ran amin ed Jerusalem ta silibraan day Paskua onung ed Ganggan, pian lalon dakel ira nen saray totoo ed inmoonan impansilibra ra.

Exodo 10:9

Inmebat si Moises, Onla kamin amin a pati saray anak mi tan saray mamatakken ed sikami. Awiten mi ray anak min lalaki tan bibii, saray karniro, saray kanding tan saray baka mi, lapud mampista kami a pamagalang mid Katawan.

Exodo 12:14

Nepeg yo yan silibraan ya agew tan sikatoy pakanudnunotan yo ed ginawak, siak a Katawan. Silibraan yo ed anggan kapigan a panaon.

Exodo 17:15

Amaalagey na altar si Moises tan tinawag to na Say Katawan so Bandirak.

Exodo 32:4

Inala to ra nen Aaron, tinonaw to ra, inkalbo tod moldora, tan ginawa ton balituk a bakan kalakyan. Saray totoo kuanda, Israel, sikato ya so dios tayo ya angipaway ed sikatayod Egipto.

Exodo 32:6

Diad kabkabwasan angyakar ira na pigaran ayep ya isaklang dan bagat a popoolan tan bagat a para kareenan. Nandorongon nampista iray totoo, tan say pista et agawa ya inoman tan liketan na laman.

Oseas 8:11

No kaonungay idadakel na ipapaalagey dan pakaekalay kasalanan, ontan met so idadakel na saray pasen a pakapankasalananan da.

Oseas 8:14

Nampapaalagey na saray palasio iray totood Israel, balet alingwanan day dilin Amalsad sikara. Nampapaalagey na saray siudad ya aliber na padir iray totood Juda. Balet mangipelag ak na apoy a mamool ed saray palasio tan saray siudad da.

Levitico 23:2

iray onggendan a totontonen a tombuken na saray totood Israel no mampista ra diad pangigalang dad Katawan.

Levitico 23:21

Diad satan ya agew tonda kayod inagew-agew a kimey yo, balet mantitipon kayon mangigalang ed Katawan. Saray kabyangay boleg yo et nepeg a tombuken da ra yan totontonen ya anggan kapigan man a panaon, tan anggan iner man so panayaman da.

Levitico 23:37

Sikara yay niganan pista a pantitipon yon mangigalang ed Katawan tan pangisaklang yo na saray bagat a kakanen, saray bagat a popoolan, saray bagat a trigo, saray arum a bagat, tan saray bagat ya alak, onung na nakaukolan ed inagew-agew.

Levitico 23:4

Ibawag mo ray onggendan a pista ed saray niganan panaon.

1 CORINTO 5:8

Kanyan pistaan tayoy Paskua, aliwan diad panamegley na tinapay a walay lauk ton daan a libaduray kasalanan tan kaogsan, no ag diad panamegley na tinapay ya anggapoy libadura, say tinapay na katooran tan katwaan.

1 Samuel 14:35

Nanggaway Saul na altar ed Katawan; sayan altar so ononan ginawa to.