Exodo 32:4 - Maung a Balita Biblia

⁴ Inala to ra nen Aaron, tinonaw to ra, inkalbo tod moldora, tan ginawa ton balituk a bakan kalakyan. Saray totoo kuanda, Israel, sikato ya so dios tayo ya angipaway ed sikatayod Egipto.

Maung A Balita Biblia

⁴ Inala to ra nen Aaron, tinonaw to ra, inkalbo tod moldora, tan ginawa ton balituk a bakan kalakyan. Saray totoo kuanda, “Israel, sikato ya so dios tayo ya angipaway ed sikatayod Egipto.”

Exodo 32:4 Iomraidhean Croise

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!

1 Saray Arari 12:32

Ginawa nen Jeroboam a sakey a pista so kumalabinliman agew na kumawalon bulan, kaparay agew a sisilibraan ed Juda. Diad tapew na altar diad Betel nambabagat ed saray bakan balituk a ginawa to, tan angipasen ed Betel na saray papari a manlingkur ed altar a ginawa to.

2 Saray Arari 10:20

Insan ingganggan nen Jehu, Mampili kayoy sakey ya agew a pangigalang ed Baal! Nampili ra sirin,

2 Saray Arari 10:29

Balet inalig toy kasalanan nen Ari Jeroboam ya angilagyat ed saray Israelita a nankasalanan diad impangigalang dad saray balituk a bakan kalakyan ya impasen to rad Betel tan diad Dan.

2 Saray Awaran 11:15

Anoro si Jeroboam na saray dilin papari to a manlingkur ed saray paganon pasen a panangigalangan tan mangigalang ed saray dimonyo tan saray ginagawa ton talintao na bakan kilaw.

2 Saray Awaran 13:8

Natan labay yon labanan so pakayari na ari ya inter na Katawan ed saray kabyangay boleg nen David. Dakerakel kayon sondalo, tan walad sikayo ray balituk a bakan kilaw a diriyos yo a ginagawa nen Jeroboam.

Nehemias 9:18

Nanggawa ray talintaon kilaw a baka, insan inkuandan sikatoy dios ya angipaway ed sikarad Egipto. Agaylay impamabaing dad sika, Katawan!

Exodo 20:2

Siak so Katawan a Dios yo ya angipaway ed sikayod Egipto ya akaaripenan yo.

Exodo 20:23

Ag yo igagawaay sikayon dili na saray diriyos a pilak odino balituk, insan kaibak iran galangen yo.

Exodo 20:4

Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Exodo 28:11

Paitatak mod marunong a platiro diad duaran bato so kangaranan na saray lalakin anak nen Jacob, tan ipeket mo rad balituk a panangipatoonan.

Exodo 28:9

Mangala ka na duaran baton onisi tan itatak mod sikara so kangaranan na labinduan lalakin anak nen Jacob,

Exodo 32:1

Nen anengneng na saray totoo ya ag ni inmakseb si Moises no ag ingen abaybayag lan wadmad tagey na palandey, kinumpog day Aaron tan kuandad sikato, Ag tayo amta no antoy agawad saman a toon Moises ya angipaway ed sikatayod Egipto, kanyan igawaan mo kami na sakey a dios a mangiwanwan ed sikatayo.

Exodo 32:24

Kinerew kod sikaran iyakar dad siak iray balituk ya alahas da, et amin da ray walay alahas ineekal da tan inter da rad siak. Imbuntok kod apoy ira may alahas da, et bakan kalakyan so pinawayan to.

Exodo 32:3

Kanyan amin da ray totoo ineekal da ray ikaw dan balituk tan inyakar da rad kinen Aaron.

Exodo 32:35

Kanyan say Katawan angipadalan na salot ed saray totoo, lapud impanggawa ray Aaron na balituk a bakan kalakyan.

Exodo 32:5

Insan si Aaron nanggawa na altar ed arap na samay balituk a bakan kalakyan tan imbawag to, Nabwas walay pista a pamagalang ed Katawan.

Exodo 32:7

Say Katawan kuantod kinen Moises, Ganatan moy onakseb, ta saray totoom ya impaway mod Egipto et nankasalanan ira tan impolisay da ak.

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, Ag mi kayo la labay a nanengneng!

Isaias 46:6

Lolokasan na saray totoo iray supot da insan da ikakalbo ray balituk da; isisimbang da ray pilak ed simbangan. Manguupa ray platiron manggawa na dios; insan da dadakmomoan tan gagalangen so sakey a dios.

Ezekiel 23:8

Intuloy toy inggapo to lan marotak a panagbilay to ed Egipto a dimay inkaderalay inkabirhin to. Nanlapu lad impanmarikit to, akikiakdul ed sikato ray lalaki tan impasen dan sakey a marotak a bii.

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Oseas 13:2

Itutuloy da niy panagkasalanan da diad panggagawa ra na saray mital a talintaoy diriyos a galgalangen dasaray talintaon pilak, a bunga na kanunotan tan say limay too so nanggawa. Insan da kuan, Mangisaklang kayod sikara na saray bagat. Panoy iyangub na saray totoo ed saraman a talintaoy diriyostalintao ran kapara na saray bakan kalakyan?

Saray Gawgawa 17:29

Lapud anak itayo met na Dios, ag tayo komun ipasen a say Dios et singa talintaon balituk, pilak, o baton ginaway lima tan kakabatan na too.

Saray Gawgawa 7:41

Nanggawa ran tuay dios a singa kilaw na baka. Angisaklang iray bagat tan pinistaan da man a gaway lima ran dili.

1 CORINTO 10:7

tan ag itayo mangigalang ed saray talintaoy diriyos, a singa ginagaway arum ed sikara. Onung na ibabagay Masanton Sulat, Saray totoo nandorongo ran nampista, tan say pista et agawan inoman tan liketay laman.

Deuteronomio 9:16

Anengneng ko a sinumlang yo la may ingganggan ed sikayo na Katawan a Dios yo, tan nankasalanan kayod sikato diad impanggawa yo na para sikayon dili na sakey a mital a bakan kalakyan a talintaoy dios.

Saray Huis 8:24

Balet intuloy ton inkuan, Wala pay kerewen kon sakey a bengatla ed sikayo. Amin yo, iter yod siak iray ikaw ya inaala yo. (Singa saray arum a totood kalawakan, akaikaw na balituk iray Madianita.)

Saray Huis 8:27

Ginawa nen Gedeon a talintao imay balituk, insan to inyan ed baley ton Ofra. Imbeneg na amin da ray Israelita so Dios tan linma rad man ya angigalang ed samay talintao. Sakey iman a patit ed kinen Gedeon tan say pamilya to.