Exodo 30:25 - Maung a Balita Biblia

²⁵ tan manggawa ka na masanton larak a panagpoyuk a singa panaggaway pabalingit.

Maung A Balita Biblia

²⁵ tan manggawa ka na masanton larak a panagpoyuk a singa panaggaway pabalingit.

Exodo 30:25 Iomraidhean Croise

1 Saray Arari 1:39

Inala nen Sadoc so pananginan na larak na oliban inala tod Tuldan Ayamay Katawan, insan to nilanaay Solomon. Pinaknul day trumpita, tan ineyag na amin a totoo, Andokey komun so bilay nen Ari Solomon!

1 Saray Awaran 9:30

Saray papari so makaoley ed panaglaok ed saray rikado.

Saray Salmo 133:2

Singa mablin panaglanan larak a managagos ed olo tan balbas nen Aaron, ya anggad kuilyo na kawes to.

Saray Salmo 89:20

Ginawak ya ari si aripen kon David diad panamegley na impanlanak ed sikato na masanton larak.

Exodo 28:41

Isolung mo ra yan kawes ed kinen agim ya Aaron tan saray anak ton lalaki. Insan mo ra ikonsagra tan isaklang diad panlanam ed sikara na larak na oliba, pian makapanlingkur iran papari ed siak.

Exodo 29:21

Mangala ka na daiset a dala a walad altar tan say daiset a larak a panagpoyuk, tan iwalsik mo ra ed saray kawes di Aaron tan saray anak to. Diad ontan si Aaron, saray anak to, tan saray kawes da et nisaklang iran masanto ed siak.

Exodo 29:7

Insan mo alaen so larak a panagpoyuk, ikalbom ed olo to, tan poyukan mo.

Exodo 30:24

tan anemiran kilon kasia (asimbang ira yan amin onung ed panagsimbang ed santuario). Laukan mo na sakey a galon a larak na oliba,

Exodo 30:32

Ag nepeg ya ikalbo ed ordinarion too, tan ag yo nepeg ya aligen so inkagawa to. Masanto yan larak; nepeg a masanto so pangipasen yo.

Exodo 30:35

Manggawa ka na insinso, a singa panaggawa na pabalingit. Laukan mo na asin pian mansiansian puro tan masanto.

Exodo 35:15

say altar a panagpoolan na insinso tan saray tiken to; say panaglana a larak; say ambalingit ya insinso; say kurtina na lolooban na Tulda;

Exodo 37:29

Nanggawa met na masanton larak a panagpoyuk tan say puron ambalingit ya insinso; ginawa to ra a singa panaggaway pabalingit.

Exodo 40:9

Insan mo isaklang so Tulda tan amin a kagawaan to diad panamegley na panlanam na larak, et magmaliw a masanto.

Ecclesiastes 10:1

Saray inatey ya apangat pabangeten day sambotilyan pabalingit; ontan met say daiset ya inkakulang-kulang deralen toy kakabatan tan kagalangan.

Levitico 8:10

Insan inala nen Moises imay larak a panaglana tan nilanaan to may Tuldan Ayamay Katawan tan amin a wadman ed dalem to, et diad onya insaklang to ran amin ed Katawan.

Levitico 8:2

Iyakar mod lolooban na Tuldan Ayamay Katawan si Aaron tan saray anak ton lalaki; piawit mod man iray kawes na pari, saray larak ya ilalana, say kilaw na bakan kalakyan ya ibagat a para kasalanan, saray duaran karniron kalakyan, tan say sambaskit a tinapay ya anggapoy libadura.

Saray Bilang 35:25

Say karaklan et nepeg ya iyagel dad kanayon na samay toon napatey imay toon makapatey, kanyan nepeg dan ipawil ed siudad na salimbengan a binatikan to la. Nepeg a manayam diman ya anggad ipatey na Pangulon Pari ed saman a panaon.

Saray Hebreo 1:9

Inarom so kaptekan, balet kabosul moy kaogsan; kanyan say Dios a Dios mo pinili to ka, tan initdan to kay liket na kagalangan, a lalon baleg nen say inter tod saray kakaibam.