Exodo 30:15 - Maung a Balita Biblia

¹⁵ Say mayaman a too ag nepeg a mambayar na masoluk, tan say mairap-bilay ag nepeg a mambayar na kulang, no sikaray mambayar na panondon dad bilay da.

Maung A Balita Biblia

¹⁵ Say mayaman a too ag nepeg a mambayar na masoluk, tan say mairap-bilay ag nepeg a mambayar na kulang, no sikaray mambayar na panondon dad bilay da.

Exodo 30:15 Iomraidhean Croise

2 Samuel 21:3

Kanyan tinawag nen David iray totood Gabaon tan kuantod sikara, Antoy labay yon gawaen ko para sikayo? Labay koy manggaway kamaungan ed sikayo ya isalat ed samay kaogsan ya agawad sikayo, pian nabindisionan yo ray totoo na Katawan.

Say Libro nen Job 34:19

Pinalsa na Dios so balang sakey; ag to pipilaan iray manoley, odino kikilingan iray mayaman tan papaulyan iray mairap-bilay.

Exodo 30:12

No alaen moy bilang da ray Israelita, balang sakey ed sikara nepeg a dondonen tod siak so bilay to, pian anggapoy ondalan a salot ed sikato legan ya aalaen so bilang na totoo.

Exodo 30:14

Balang sakey a nabilang, salanti say balang lakin mantaon na duamplo a mampaatagey, et nepeg a mangiter ed siak na sayan babayaran.

Exodo 30:16

Alam ira yan kuarta ed saray Israelita tan igastos mo ed panasikaso ed Tuldan Ayamay Katawan. Sayan buis sikatoy bayar a panondon na bilay da, et ag ko ra lingwanan ya iyagel.

Exodo 38:26

Sayan belat et katiponan na amin ya imbayar na amin a totoon binilang; balang sakey a too nambayar na nakaukolan a bayar onung na panagsimbang ed santuario. Say karakel na lakin mantaon na duamplo a mampaatagey a sikaray binilang et anem a lasus tan talon libo liman lasus tan limamplo.

Probirbio 22:2

Wala yan pamparaan na toon mairap-bilay tan say toon mayaman: pinalsa ran dua na Katawan.

Ezekiel 45:16

Amin da ray totoo ed bansa et nepeg ya iyakar da ra yan bagat ed manoley a prinsipi ed Israel.

Levitico 17:11

Walad dala so bilay na amin a pinalsan mabilay; sikato yay makasengeg a say Katawan ingganggan to ya amin a dala et ibungen ed tapew na altar pian naekal iray kasalanan na totoo. Say dala a sikatoy bilay et mamaandi na saray kasalanan.

Saray Bilang 31:50

Kanyan inaawit mi ra diay balituk ya alahas, saray pulsiras, saray singsing, saray ikaw, tan saray kolintas ya inaala na balang sakey ed sikami. Iyapay mi ra ed Katawan a bayar ira na bilay mi, pian iyagel to kami.

TAGA-EFESO 6:9

Sikayo ran amo, nepeg a maung kayod saray aripen yo, tan ag yo la ra tataktakoten. Ta amta yo a nampapara kayon kayaryan na saksakey a Katawan a walad tawen a namparay pangipapasen tod amin a katoowan.

COLOSAS 3:25

Say manggaway kaogsan awaten toy bayar na maoges a ginagawa to; ta diad arap na Dios, anggapoy pandomaan na amin a katoowan.