Exodo 3:6 - Maung a Balita Biblia

⁶ Siak so Dios na saray lalakim, say Dios di Abraham, Isaac, tan Jacob. Sinakuban nen Moises so lupa to, ta tinmakot ya onnengneng ed Dios.

Maung A Balita Biblia

⁶ Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Exodo 3:6 Iomraidhean Croise

Genesis 12:1

Inkuan na Katawan ed kinen Abram, Taynan moy baley mo, saray kakanayon mo, tan say abung na amam, insan ka onlad bansan ipanengneng kod sika.

Genesis 12:7

Pinmanengneng so Katawan ed kinen Abram tan inkuantod sikato, Sikato yay bansa ya iter kod saray kabyangay boleg mo. Nanggawad may Abram na altar a para Katawan a pinmanengneng ed sikato.

Genesis 17:3

Dinmakmomoy Abram ya anggad dalin so lupa to, insan inkuan na Dios.

Genesis 24:12

Nampikasi may aripen, Katawan a Dios nen amok ya Abraham, maung komun so pansumpalan to yan akar ko natan, tan toor mo pay sipan mod amok.

Genesis 26:24

Diad saman a labi na intaynan to pinmayawar ed sikato so Katawan tan inkuanto, Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.

Genesis 28:13

Insan anengneng toy Katawan a manalalagey ed abay to. Inkuan na Katawan, Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Genesis 28:17

Tinmakot tan inkuanto, Makapataktakot yan pasen! Talagan sikato yay abung na Dios tan puirtay tawen.

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.

Genesis 32:9

Insan nampikasiy Jacob, Dios nen lakik ya Abraham tan Dios nen amak ya Isaac, dengel mo ak pa! Imbagam ed siak, Katawan, ya ompawil ak ed dalin ko tan saray kakanayon ko, tan ag mo ak paolyan pian maung so pansumpalan ko.

1 Saray Arari 18:36

Diad oras na panagbagat ed ngarem, inasinggeran nen Elias imay altar tan nampikasi, O Katawan a Dios di Abraham, Isaac, tan Jacob, ipaamtam natan a sikay Dios na Israel, tan siak so aripen mo a nanggawad saya, lapud panangiganggan mo.

1 Saray Arari 19:13

Nen nadngel nen Elias insakbung tod lupa toy kolibemben to, pinmaway tan nanalagey ed wangalay ongib. Inkuan ed sikato na samay bosis, Elias, antoy gagawaen mo dia?

Nehemias 9:9

Anengneng mo no panoy impanirap da ray lalaki mi ed Egipto; dinengel moy inkerew da na tulong nen wala rad Dayat ya Ambalanga.

Ester 3:4

Agew-agew dan tatanggoyuren ya ontoluk, balet ag to ra dengelen. Impaliwawa to, Sakey ak a Judio, kanyan ag ko nayariay ontuek ed kinen Haman. Kanyan imbaga ra yad kinen Haman, ta manduaruwa ra no palabasen kasi nen Haman yan gagawaen nen Mardokeo.

Saray Salmo 132:2

Nunot mo pa, Katawan, so insipan to, say sinambaan tod sika, O Makapanyarin Dios nen Jacob:

Exodo 15:2

Say Katawan so mabiskeg amanangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Exodo 29:45

Manayam ak ed kawalaan na saray Israelita tan siak so Dios da.

Exodo 3:16

Laka sirin, ta tipon mo ray pangulo na Israel tan ibagam ed sikara a siak, say Katawan na saray lalaki ra, say Dios di Abraham, Isaac, tan Jacob et pinmanengneng ak ed sika. Ibagam met ed sikara a dinalaw ko ra tan anengneng koy gagawaen na saray Egipsio ed sikara.

Exodo 33:20

Ag ko ipanengneng ed sikay lupak, ta anggapoy toon mambilay a makanengneng na lupak,

Exodo 4:5

Imbilin na Katawan ed kinen Moises, Gawam yan pakelaw a pamaneknek mod saray Israelita a say Katawan a Dios na samay lalaki ra, say Dios di Abraham, Isaac, tan Jacob, et pinmanengneng ed sika.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 32:38

Diad satan magmaliw iran totook, tan siak so Dios da.

Ezekiel 11:20

Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.

Zacarias 8:8

tan manlapud bokig tan sagur ipawil ko ran manayam ed Jerusalem. Magmaliw iran totook tan siak so Dios da a manoley ed sikara onung ed inkatoor tan inkatonung.

Mateo 17:6

Diad ontan lan inkataktakot da ra may disipulo ed samay bosis, tinmakba rad dalin.

Mateo 22:32

Siak so Dios nen Abraham, Dios nen Isaac, tan Dios nen Jacob. Say labay to yan ibaga sikatoy Dios da ray mabilay, aliwan Dios na saray inaatey.

Marcos 12:26

Natan, nipaakar ed kiolid bilay: ag yo ta ni abasa ed libro nen Moises so nipaakar ed abeban kiew a napopoolan? Nisulat diman a say Dios kauntod kinen Moises, Siak so Dios nen Abraham, Dios nen Isaac, tan Dios nen Jacob.

Lucas 20:37

Anggan si Moises a dili papaneknekan ton naolid bilay iray inaatey. Diad samay tongtong a nipaakar ed manliub ya abeban kiew, sinalita to a say Katawan et Dios nen Abraham, Dios nen Isaac, tan Dios nen Jacob.

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, Arawi kad siak, Katawan, ta makasalanan ak a too!

Saray Gawgawa 7:32

Siak so Dios na saray lalakim, Dios di Abraham, Isaac tan Jacob. Manggiwgiw ed takot si Moises, tan ag to natepelay onnengneng.

Saray Gawgawa 7:34

Anengneng koy paniirap da ray totook ed Egipto. Nadngel koy pannangis da, kanyan linmeksab ak a mangilaban ed sikara. Gala, ta ibaki ta kad Egipto!

Deuteronomio 6:3

Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

Saray Hebreo 11:16

Balet say pampipilalekan da say magmaung a bansasay mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Saray Hebreo 12:21

Makapataktakot a nengnengen, kanyan inkuanen Moises, Natatakot ak a maung, tan manggiwgiw ak!

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: Ag ka natatakot! Siak so sankaonaan tan say sankasamputan.

Saray Huis 13:22

Inkuanen Manoa ed samay asawa to, Andi-saew ya ompatey ita, ta anengneng ta lay Dios!