Exodo 28:2 - Maung a Balita Biblia

² Manggawa ka na saray kawes na pari a para si agim ya Aaron, pian napaalsay nengneng to tan say kagalangan to.

Maung A Balita Biblia

² Manggawa ka na saray kawes na pari a para si agim ya Aaron, pian napaalsay nengneng to tan say kagalangan to.

Exodo 28:2 Iomraidhean Croise

Say Libro nen Job 40:10

No tua, kawesan moy sikan dili na talonggaring tan dayew; balkut moy sikan dili na tanduro tan kagalangan.

Saray Salmo 132:16

Bindisionan ko ray papari to diad amin a gawaen da, tan mankanta tan oneyag iray totoo to lapud liket da.

Saray Salmo 132:9

Gawaen lawas komun na saray paparim so inkatonung; oneyag komud liket iray totoom!

Saray Salmo 149:4

Naliliketay Katawan ed saray totoo to; papagalangan to ray mapaabeba diad pangiiter tod sikaray pananalo.

Saray Salmo 96:6

Galang tan pakayari so walad kaliber-liber to; biskeg tan dakep so walad dalem na Timplo to.

Exodo 28:40

Manggawa ka na saray kawes ya antikey so taklay, saray abel a balabal, tan saray sakub na toktok na olo para saray lalakin anak nen Aaron, pian napaalsay nengneng da tan say kagalangan da.

Exodo 29:28

Nepeg ya ag balut naoman yan imbagak; no saray totoo et mangisaklang ira na saray bagat a para kareenan, say pagew tan say ulpo na ayep et kayaryan ira na saray papari. Sikato yay rigalod siak a Katawan na saray totoo.

Exodo 31:10

saray balibaliy inkagawan kawes na pari a para si Aaron tan saray anak ton lalaki ya ikana ra no manlingkur iran papari,

Exodo 40:13

Solungan mo si Aaron na kawes na pari, lanaan mo na larak na oliba tan isaklang mo, pian makapanlingkur a sakey a pari ed siak.

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Levitico 8:30

Inala nen Moises imay larak ya ipopoyuk tan angala na daiset a dala a walad tapew na altar tan inwalsik tod kinen Aaron tan diad saramay anak to; winalsikan to met iray kawes da. Diad onya inkonsagra to rad Katawan pati saray kawes da.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Saray Taga Roma 13:14

Balet panoleyen yo lan sigput ed bilay yo so Katawan a Jesu-Cristo, tan ibeneg yo lay makasalanan ya inkatoo yo, pian ag yo la nagawaay labay to.

Saray Taga Roma 3:22

Papaandien na Dios so kasalanan na amin da ray mananisiad Jesu-Cristo, diad panamegley na pananisia rad Jesu-Cristo. Ta anggapoy pandoromaan na anggan siopa:

TAGA GALACIA 3:27

Ta amin yon abinyagan ya akikasakey ed Cristo, pinaloob yod bilay yo si Cristo.

Saray Hebreo 2:9

Balet nanenengneng tayoy Jesus! Diad aganon panaon apaabeba nen saray anghil, pian diad panamegley na baleg a panangaroy Dios, nepeg ya ompatey para amin a katoowan. Nanenengneng tayo ya akoronaan natan na kagalangan tan dayew lapud asagmak ton kairapan ed impatey to.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

2 Pedro 1:17

nen inter na Dios Ama ed sikato so dayew tan kagalangan. Manlapud Sankatageyan a Kagalangan, walay bosis a nikuan ed sikato, Sikato yay inararok ya Anak a pakaliliketan ko!

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.

Puyan 19:8

akakawes lay malinis tan masilesileng a lino. (Say lino sikatoy maung iran gawgawa na totooy Dios.)

Puyan 5:10

Ginawam iran sakey a panarian tan impagmaliw mo ran papari a manlingkur ed Dios tayo; tan manari rad tapew na dalin.