Exodo 24:9 - Maung a Balita Biblia

⁹ Kinmalab ed palandey ira di Moises, Aaron, Nadab, Abiu, tan saray pitomplon pangulo na Israel,

Maung A Balita Biblia

⁹ Kinmalab ed palandey ira di Moises, Aaron, Nadab, Abiu, tan saray pitomplon pangulo na Israel,

Exodo 24:9 Iomraidhean Croise

1 Saray Arari 22:19

Intuloy nen Micaya ya inkuan, Dengel mo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil to.

Exodo 19:24

Say Katawan inmebat, Akseb ka tan itagar mo diay Aaron. Balet saray papari tan saray totoo ag da nepeg a labsanan so ketegan no ondago rad siak; ta no andi, dusaen ko ra.

Exodo 24:1

Say Katawan kuantod kinen Moises, Laen yo ak ed palandey, sikayo di Aaron, Nadab, Abiu, tan saray pitomplon pangulo na Israel; no arawi ki ni tuek kayo lan mangigalang ed siak.

Exodo 28:1

Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

Exodo 33:20

Ag ko ipanengneng ed sikay lupak, ta anggapoy toon mambilay a makanengneng na lupak,

Isaias 6:1

Diad samay taon ya inatey si Ari Uzias anengneng koy Katawan. Manyodyorung ed trono ton atagey tan mapagalang, tan nilaknaban na kawes to so intiron Timplo.

Ezekiel 44:3

Balet say manoley a prinsipi nayarin onlad man a mangan na masanton panangan diad arap ko. Nepeg ya onloob tan ompaway ed dalan na puirta ya ondalan ed baleg a kuarto diad dalem ed bandad samput.

Levitico 10:1

Di Nadab tan Abiu a lalakin anak nen Aaron inala ra so pananginay insinso na balang sakey ed sikara, kinargaan da ra na ngalab, tinapewan da ra na insinso, insan da ra inyapay ed Katawan. Balet aliwa yan masanton apoy, ta say Katawan ag to ra ingganggan ya iyapay da.

Saray Bilang 11:16

Say Katawan kuantod kinen Moises, Manipon ka na pitomplon lalakin nabibirbir a pangulo na saray totoo, iyakar mo rad mad Tuldan Ayaman ko, tan ibagam ed sikaran manalagey irad abay mo.

Saray Huis 13:22

Inkuanen Manoa ed samay asawa to, Andi-saew ya ompatey ita, ta anengneng ta lay Dios!