Exodo 15:15 - Maung a Balita Biblia

¹⁵ Ataktakot iray pangulo na Edom; manggiwgiw iray makapanyarin totoo na Moab; nakalan na biskeg na linawa iray Cananeo.

Maung A Balita Biblia

¹⁵ Ataktakot iray pangulo na Edom; manggiwgiw iray makapanyarin totoo na Moab; nakalan na biskeg na linawa iray Cananeo.

Exodo 15:15 Iomraidhean Croise

Genesis 36:15

Sikara yay tribu a say sengeg da et si Esau. Si Elifaz, a pangulowan a lakin anak nen Esau, so sengeg na sarayan tribu: Teman, Omar, Zefo, Kenaz,

Genesis 36:16

Core, Gatam, tan Amalec. Say sengeg da ra yan amin a tribu et si Ada ya asawa nen Esau.

Genesis 36:40

Si Esau so sengeg na sarayan tribu na Edomita: Timna, Alva, Jetet, Oholibama, Ela, Pinon, Kenaz, Teman, Mibzar, Magdiel, tan Iram. Say pasen a panaayaman na balang sakey a tribu et ningaran met ed ngaran to man a tribu.

2 Samuel 17:10

Diad satan anggan saray sankasebegan a totoo, ya anggapoy takot da a singa saray lion, et ontakot ira, ta amta na amin a totood Israel a matalonggaring a sondalo si amam tan maung a mibakal iray totoo to.

Saray Salmo 48:5

Balet kanengneng da nikelawan ira; ataktakot tan kibatiktik ira.

Saray Salmo 68:2

No panoy ititikyab na asewek, ontan met so pamapagit tod sikara; no panoy katotonaw na ispirma ed abay na apoy, ontan met so ipapatey na saray totoon maoges ed arap na Dios.

Isaias 13:7

Nalaylay iray amin a taklay, tan ombetel so linawa na balang sakey a too.

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Jeremias 49:23

Sikato yay inkuan na Katawan nipaakar ed Damasco: Natatakot tan mapagpaga iray taga siudad na Hamat tan Arfad lapud akadngel iray maoges a balita. Singa dayat ya ontatabun ed sikara so kapagaan, tan ag ira makapainawa.

Ezekiel 21:7

No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la. Say Katawan a Dios so nansalita.

Nahum 2:10

Aderal la so Ninive, ataynan lan begtebegtew! Napoponaw ed takot iray kapusuan, mankalog iray pueg, naandi lay biskeg; mampotiy bosaleg iray kalupaan.

Habacuc 3:6

No sikatoy ontonda, nayegyeg so mundo; diad ilinggis to onggiwgiw iray bansa. Abuybuyak iray andi-anggaan a kapalandeyan; linmereg iray ag manganggan kapokdulan, saray kapokdulan a nanaakaran to ra nen saman.

Habacuc 3:7

Anengneng kon antakot iray totood Cusan tan manggiwgiw iray totood Madian.

Deuteronomio 2:4

Imbaga tod siak ya ibagak ed sikayo ray onggendan a bilin: Ngalngali yo la nabatak so kapokdulan a dalin na Edom, say dalin na saray kakanayon yo a saray kabyangay boleg nen Esau. Ontakot irad sikayo,

Deuteronomio 20:8

Saray opisyal ikuanda met ni ed saray totoo, Wala diad sikayo so apatalaw toy linawa to tan antakot? No wala, nepeg ya onsempet. Ta no ag onsempet, patalawen to met so linawa da ray arum.

Josue 14:8

Balet saramay lalakin kaibak a nanispia pinatakot da ray totoo. Siak balet matoor kon inonur so Katawan a Dios ko.

Josue 2:11

Kadngel mid saman a balita ataktakot kami; kinmapoy so linawa mi lapud sikayo. Say Katawan a Dios yo, et Dios ed tawen tan diad tapew na dalin.

Josue 2:24

tan inkuanda, Anggapoy duaruwa min say Katawan inter tod sikatayo man ya intiron bansa. Natatakot ed sikatayo iray amin a totood man.

Josue 2:9

kuantod sikara, Amtak ya inter ed sikayo na Katawan yan dalin. Natatakot ed sikayo ya amin iray tood sayan bansa.

Josue 5:1

Amin da ray ari na Amorreo diad bokig na Jordan tan amin da ray ari a Cananeo diad gilig na Dayat na Mediteraneo nadngelan dan pinaekat na Katawan so Jordan anggad impakabaliw na saray totood Israel. Ataktakot ira tan nakalan iray biskeg na linawa lapud saray Israelita.

1 Samuel 14:16

Saray bantay a totoo nen Saul a wala rad Gabaa, a sakop na dalin nen Benjamin, anengneng da ray Filisteon kibatiktik ed anggan iner.