Exodo 15:10 - Maung a Balita Biblia

¹⁰ Balet sakey labat ya ingas mo, O Katawan, et nalner la ray Egipsio; linmereg iran singa ismay ed dalem na mabiskeg a danum.

Maung A Balita Biblia

¹⁰ Balet sakey labat ya ingas mo, O Katawan, et nalner la ray Egipsio; linmereg iran singa ismay ed dalem na mabiskeg a danum.

Exodo 15:10 Iomraidhean Croise

Genesis 8:1

Ag alingwanan na Dios si Noe tan amin ya ayep a kaiba tod dalem na biong; pinasiplug na Dios so dagem, et ginmapon inmabebay danum.

2 Samuel 18:8

Kinmayat so bakal ed intiron kaalogan, et dakel niy inatey ed dalem na takel nen say inatey ed bakalan.

Nehemias 9:11

Benelsay mo so dayat para saray totoom insan mo ra impanakar ed pinamagam a dayat. Impalner mod aralem a danum iray angosil ed sikara; singa ra baton linmereg ed madaluyon a dayat.

Saray Salmo 135:7

Sikatoy mamapaatagey ed saray lorem a manlapud saray samput na dalin; gagawaen toy kirmat para saray bagyo, tan ipapaway toy dagem a manlapud kuarton panagsinupan to.

Saray Salmo 147:18

Insan mangganggan et natonaw so yilo; pasiplugen toy dagem, et onagos so danum.

Exodo 14:21

Inyonat nen Moises ed dayat so lima to, et say Katawan pinapawil toy agos na dayat diad panamegley na mabiskeg a dagem a nanlapud bokig. Sanlabin sinmiplug so dagem, et nakatan so dayat. Apaldua so danum

Exodo 15:5

Tinabunan ira na danum; singa ra sakey a baton linmereg ed kaaralman na dayat.

Probirbio 30:4

Siopa lay akagawan sigput so mangatatawen a pakaamta to? Siopa lay akaakup na dagem? Odino siopa lay akaponggos na danum ed panyo? Odino siopa lay akapangilira na saray ketegan na mundo? No amtam, ibagam no siopa? Siopay anak ton laki?

Isaias 11:15

Say Katawan paekatan toy Dayat na Suez tan mangyakar na ampetapetang a mabiskeg a dagem a mamaekat na Ilog na Eufrates; pitoran ankekelag a kolus labat so nakeraan, kanyan nayarin manakar ya ombaliw so siopaman.

Jeremias 10:13

Diad ganggan to inmungol so danum ed tagey na tawen; aawiten to ray lorem a nanlapud saray sokung na mundo. Pakikirmaten to no onooran, tan pasisiplugen toy dagem a manlalapud panagsinupan ton kuarto.

Jeremias 46:17

Itdan yo na balon ngaran so Egipto, Say Maknul a Mapaatagey ya Apalabas Toy Pankanawnawa To.

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!

Mateo 8:27

Mankelaw iran amin tan inkuanda, Anton too ya kasi, et pati say dagem tan saray daluyon et ontotoluk irad sikato?

Deuteronomio 11:4

Anengneng yo no panoy sigput ya impamaandipat na Katawan ed saray sondalon Egipsio, pati saray kabayo tan saray karwahi ra, diad impangipalner tod sikara ed Dayat ya Ambalanga nen oosilan da kayo.