Exodo 15:1 - Maung a Balita Biblia

¹ Insan si Moises tan saray Israelita kinanta ra yan kanta ed Katawan: Kantaan ko so Katawan, lapud mapagalang ya impanalo to; imbabantak tod dayat iray kabayo tan saray akakabayod sikaran totoo.

Maung A Balita Biblia

¹ Insan si Moises tan saray Israelita kinanta ra yan kanta ed Katawan: “Kantaan ko so Katawan, lapud mapagalang ya impanalo to; imbabantak tod dayat iray kabayo tan saray akakabayod sikaran totoo.

Exodo 15:1 Iomraidhean Croise

Nehemias 9:11

Benelsay mo so dayat para saray totoom insan mo ra impanakar ed pinamagam a dayat. Impalner mod aralem a danum iray angosil ed sikara; singa ra baton linmereg ed madaluyon a dayat.

Say Libro nen Job 36:24

Nadadayew lawas so Dios lapud gagawaen to; nepeg met a galangen mo.

Saray Salmo 105:43

Kanyan pinapaway tan inwanwan to ray totoo to, et nankakanta tan naneeyag ira lapud liket.

Saray Salmo 106:12

Diad ontan, anisia ray totoo to ed saray salita to, tan kinantaan day panangidayew.

Saray Salmo 107:15

Nepeg dan pisalamatay Katawan lapud ag mangoman a panangaro to, lapud makapakelaw iran ginagawa ton para sikara.

Saray Salmo 107:8

Nepeg dan pisalamatan so Katawan, lapud ag mangoman a panangaro to, lapud makapakelaw iran ginagawa ton para sikara!

Saray Salmo 32:7

Sikay pasen a panaamutan ko; sikay mangipaliis ed siak ed gunigon. Maksil ya ikantak so panangilaban mo, ta iyaagel mo ak.

Saray Salmo 76:6

Nen nampasnukan mo ra, O Dios nen Jacob, atumtumban inaatey iray kabayo tan saray akakabayo.

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Exodo 14:26

Say Katawan kuantod kinen Moises, Iyonat mod dayat so limam, et tabunan na danum iray Egipsio, saray karwahi ra, tan saray kutsiro ra.

Exodo 14:27

Kanyan inyonat nen Moises ed dayat so lima to, et nen maliwawa la pinmawil ed gendat a kaaralem to. Ginawaan na saray Egipsio so anggaay nayarian da ya ombatik, balet say Katawan imbabantak to rad dalem na dayat.

Exodo 15:21

Et si Miriam kinantaan to ra: Kantaan yoy Katawan, lapud mapagalang ya impanalo to; imbabantak tod dayat iray kabayo tan saray akakabayod sikaran totoo.

Exodo 18:11

Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.

Probirbio 29:6

Naeerel na saray dilin kasalanan da iray totoon maoges, balet maliket tan bolus iray totoon matonung.

Isaias 42:10

Mankanta kayoy balon kanta ed Katawan; ikantam so dayew to, o intiron mundo. Idayew yo, sikayon mambiabiahid dayat; idayew yo, amin yon pinalsa a walad dayat! Mankanta kayo, sikayo ran arawin dalin tan amin yon manaayam ditan!

Jeremias 51:21

nambibingkas ed saray kabayo tan saray akakabayo, nandederal ed saray karwahi tan saray kutsiro,

Oseas 2:17

Ag ko lan balut pabitlad sikato so ngaran a Baal.

Habacuc 3:18

manliket tan manggayaga ak nin siansia, lapud say Katawan a Dios so manangilaban ko.

Saray Bilang 21:17

Diad saman a panaon saray Israelita kinanta ra: Bobun, papaway moy danum mo; Et ilugay mi diad panamegley na sakey a kanta:

COLOSAS 2:15

Diad panamegley na impatey nen Cristo ed krus, dineral toy pakayari da ray maispiritun manoley tan saray walay betang. Singa ra ya adakep tan imparadad karaklan a pangipanengneng na impanalo to.

Puyan 15:3

Kakantaen day kanta nen Moises, ya aripey Dios, tan say kantay Kordiro: Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!