Exodo 13:3 - Maung a Balita Biblia

³ Si Moises kuantod saray totoo, Tandaan yo yan agewsay agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Maung A Balita Biblia

³ Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 13:3 Iomraidhean Croise

Genesis 15:16

Onlabas so apatiran kailalakan kasakbayan a makapawil ira diay kabyangay boleg mo. Pansiansiaen kon panayamen ira diay Amorreo ya anggad alablabas lay inkaoges da, insan ko ra dusaen tan pataynanen.

1 Saray Awaran 16:12

Sikayo ran kabyangay boleg nen Israel ya aripen na Dios, sikayo ran kabyangay boleg nen Jacob a pinili na Dios nunot yo ray makapakelaw a milagron ginagawa to, tan saray sintinsian iniiter to.

Nehemias 1:10

Katawan, sikara yay aripen mo, saray dilin totoom. Inyagel mo ra diad panamegley na baleg a pakayarim tan biskeg mo.

Nehemias 9:10

Nanggagawa ka na saray makapakelaw a milagro sumpad ari na Egipto, sumpad saray opisyal to tan saray totood nanarian to lapud amtam no panoy impamapairap dad saray totoom. Binmantug kad saman tan bantug ka ni ya anggad natan.

Saray Salmo 105:5

Sikayo ran kabyangay boleg nen Abraham ya aripen na Katawan, sikayo ran kabyangay boleg nen Jacob a pinili na Katawan, nunot yo ray makapakelkelaw a milagron ginagawa to, tan saray sintinsian iniiter to.

Saray Salmo 114:1

Nen tinaynan na saray totood Israel so Egipto, nen tinaynan na saray kabyangay boleg nen Jacob iman a dalin a kayaryan na arum a totoo,

Saray Salmo 136:11

Impaway tod Egipto iray totood Israel; andi-anggaan so panangaro to;

Saray Salmo 136:12

diad panamegley na mabiskeg tan makapanyari ran taklay to; andi-anggaan so panangaro to.

Saray Salmo 89:14

Say panarian mo niletneg ed inkatonung tan kaptekan; nanengneng ed amin a gagawaen mo so aro tan inkatoor mo.

Exodo 12:15

Say Katawan kuanto, Diad loob na pitoran agew ag kayo mamangan na tinapay a pinaalsad libadurasaray tinapay ya anggapoy libadura labat so kanen yo. Diad ononan agew ibantak yoy amin a libaduran narumog yo ed kaabungan yo, ta no walay Israelitan mangan na tinapay a nanlibadura legan na sarayan agew, ag la nibilang a sakey ed saray totook.

Exodo 12:17

Silibraan yo yan pista, ta diad sayan agew impaway kod Egipto iray tribu yo. Diad anggan kapigan a panaon nepeg yon silibraan yan agew a sakey a pista.

Exodo 12:19

Diad loob na pitoran agew nepeg ya anggapoy libaduran narumog ed kaabungan yo, ta siopaman ed sikayon Israelita odino sangkailin mangan na tinapay a pinaalsad libadura, ag la nibilang a sakey ed saray totook.

Exodo 12:2

Sayan bulan et ononan bulan na taon para sikayo.

Exodo 12:41

Diad agew a mansamput so apat a lasus tan talomplon taon, amin da ray boleg na saray totoo na Katawan et tinaynan day Egipto.

Exodo 12:42

Sikato yay labin tinalaranan na Katawan a pangipaway tod saray Israelita ed Egipto; sayan labi et nisaklang ya anggad angga ed Katawan tan sakey a labin talaranan na saray Israelita.

Exodo 12:8

Diad satan a labi ikalut so laman na ayep insan ipangan ed ampait a pising tan diad tinapay ya anggapoy libadura.

Exodo 13:14

Diad arapen a panaon, no tepeten na saray anak yo so kabaliksan na sayan gawaen yo, onya so iyebat yo; Diad panamegley na baleg a pakayari na Katawan, impaway to kamid Egipto, say pasen ya akaaripenan mi.

Exodo 13:9

Sayan pista et sakey a pakanudnonotan a singa bengatlan nisinger ed lima yo odino diad muling yo; ipanunot tod sikayo so pangituloy yoy pangibitla tan panaral na Ganggan na Katawan, lapud say Katawan impaway to kayod Egipto diad panamegley na baleg a pakayari to.

Exodo 20:2

Siak so Katawan a Dios yo ya angipaway ed sikayod Egipto ya akaaripenan yo.

Exodo 20:8

Ngilinan moy Agew na Panagpainawa tan ipasen mon masanto.

Exodo 23:15

Diad bulan na Abib, say bulan ya intaynan yod Egipto, silibraan yo so Pista na Tinapay ya Anggapoy Libadura onung na ingganggan kod sikayo. Ag kayo mamangan na tinapay a pinaalsa ed libadura legan na pitoran agew na sayan pista. Ag kayo ondadagon mangigalang ed siak ya anggapoy awit yon bagat.

Exodo 3:20

Balet ipakanak so pakayarik ed Egipto tan dusaen ko na saray makapataktakot a pakelaw a gawaen kod man. Kasumpal na sarayan nagawa, abuloyan to kayo lan onla.

Exodo 34:18

Silibraan yoy Pista na Tinapay ya Anggapoy Libadura. Onung na ingganggan kod sikayo, mangan kayo na tinapay ya anggapoy libadura ed loob na pitoran agew no bulan na Abib, ta saman imay bulan ya impanaynan yod Egipto.

Exodo 6:1

Insan say Katawan kuantod kinen Moises, Nanengneng mo natan no antoy gawaen kod ari. Pasooten ko ya abuloyan ton ontaynan iray totook. Diad tuay tua, piliten ko a dagdagen to ran taynan day bansa to.

Exodo 6:6

Kanyan ibagam ed saray Israelita a sayay kuankod sikara, Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Exodo 7:4

Insan iter kod Egipto so ambelat a dusa tan iwanwan ko ray boleg na totook diad itaynan da.

Jeremias 34:13

a Dios na Israel imbaga tod siak ya ikuanko yan salita tod saray totoo: Akisipanan ak ed saray lalaki yo nen impaway ko rad Egipto tan imbolus ko rad inpakaaripen da. Imbagak ed sikara

Daniel 9:15

O Katawan a Dios mi, lapud pakayarim impaway mod Egipto iray totoom, tan ag nalingwanan ya anggad natan so pakayarim. Nankakasalanan kami; maoges iray ginawa mi.

Mateo 10:12

Kaloob yod sakey ya abung ikuanyo, Manari komuy kareenen ed sayan abung!

Lucas 22:19

Insan angalay tinapay tan kasumpal ton akisalamat ed Dios, pinipisag to, inter tod sikara tan inkuanto, Sikato yay laman ko a niiter ed sikayo. Gawa yo ya a pakanudnunotan ed siak.

1 CORINTO 11:24

akisalamat ed Dios, insan to pinipisag tan kuanto, Sikato yay laman ko a para sikayo; gawa yo ya a pakanudnunotan ed siak.

1 CORINTO 5:8

Kanyan pistaan tayoy Paskua, aliwan diad panamegley na tinapay a walay lauk ton daan a libaduray kasalanan tan kaogsan, no ag diad panamegley na tinapay ya anggapoy libadura, say tinapay na katooran tan katwaan.

TAGA-EFESO 1:19

tan no panoy ontan lan kabiskeg na pakayari ton mankikimey ed sikatayo ran mananisia. Sayan pakayarid sikatayo et kapara to may pakayariy biskeg na Dios

Deuteronomio 13:10

Tupak yo ya anggad ompatey! Sinali to kayon iyarawi ed Katawan a Dios yo ya angipaway ed sikayod Egipto ya akaaripenan yo.

Deuteronomio 13:11

Diad satan narengelan na amin ya totood Israel so agawa; ontakot ira, et anggapo lay manggawa na onyan kaogsan.

Deuteronomio 13:5

Balet nepeg a pateyen so siopaman a managpatalus na kogip odino siopaman a propitan mangibagad sikayo a sumlangen yoy Katawan ya angipaway ed sikayod Egipto ya akaaripenan yo. Maoges itan a too ta labay to kayon iyarawi ed panagbilay ya ingganggan na Dios a tombuken yo. Nepeg a pateyen pian naandid pegley yo yan kaogsan.

Deuteronomio 13:6

Nayarin anggan say agi yon laki, odino say anak yon laki, odino say anak yon bii odino say asawa yon bii ya inararo yo, odino say kaaro yon malmalet et maamut to kayon tanggoyuren a mangigalang ed arum a diriyos ya ag yo ni ran balut inggalang, sikayo tan saray lalaki yo.

Deuteronomio 15:15

Nunot yo ya aripen kayo nen saman ed Egipto et imbolus kayo na Katawan a Dios yo; sikato yay makasengeg ya iiter kod sikayo yan ganggan.

Deuteronomio 16:1

Pagalangan yoy Katawan a Dios yo diad panamegley na pansilibra yo na Paskua no bulan na Abib; diad aminsan a labi ed saman a bulan so impangipaway tod sikayod Egipto.

Deuteronomio 16:12

Pampelengan yon onuren ira yan ganggan; ag yo lilingwanan ya aripen kayo met nen saman ed Egipto.

Deuteronomio 16:3

No kanen yo yan panangan, ag kayo mangakan na tinapay a walay libadura. Ta pitoy agew mangan kayo na tinapay ya anggapoy libadura to, a singa samay ginawa yo nen tinaynan yon magangganat so Egipto. Akan yo yan tinapay, say tinapay na kairapan, pian legan na pambilay yo nanunotan yo may agew ya impaway yod Egipto, saman a pasen a nanirapan yo.

Deuteronomio 24:18

Ag yo lilingwanan ya aripen kayo nen saman ed Egipto tan imbolus kayo na Katawan a Dios yo; sikayo yay makasengeg na impangiteran kod sikayo yan ganggan.

Deuteronomio 24:22

Ag yo lilingwanan ya aripen kayo nen saman ed Egipto; sikato yay makasengeg na impangiteran kod sikayo yan ganggan.

Deuteronomio 26:8

Diad panamegley na baleg a pakayari tan biskeg to inyagel to kamid Egipto. Nanggagawa na saray milagro tan pakelaw, tan saray makapataktakot a bengatla.

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

Deuteronomio 5:15

Nunot mo ya aripen ka nen saman ed Egipto, tan siak a Katawan a Dios mo et impaway ta kad man diad panamegley na baleg a pakayarik tan biskeg ko. Kanyan igaganggan ta kan ngilinan mo so Agew na Panagpainawa.

Deuteronomio 5:6

Siak so Katawan a Dios yo ya angipaway ed sikayod Egipto ya akaaripenan yo.

Deuteronomio 6:12

ag yon balut lilingwanan so Katawan ya angipaway ed sikayod Egipto ya akaaripenan yo.

Deuteronomio 6:21

Ibaga yod satan ed sikara, Aripen kami nen saman na ari na Egipto, et say Katawan impaway to kamid Egipto lapud baleg a pakapanyari to.

Deuteronomio 7:8

Pinili to kayo lapud inaro to kayo tan labay ton tooren imay sipan tod saray lalaki yo. Kanyan inlaban to kayo diad panamegley na baleg a pakapanyari to tan imbolus to kayod impakaaripen yod ari na Egipto.

Deuteronomio 8:14

manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Deuteronomio 9:12

Insan say Katawan kuantod siak, Akseb kan tampol, ta saray totoom ya impaway mo manlapud Egipto et nagmaliw iran maoges. Sinumlang da la may ingganggan kod sikara, tan nanggawa ra na para sikara na talintaoy dios.

Josue 24:17

Say Katawan a Dios tayo et inekal tod inkaaripen ed Egipto iray lalaki tayo tan pati sikatayo, tan anengneng tayo ray milagron ginagawa to. Inyarawi to itayod kaatapan ed anggan iner a nila tayo diad amin a bansan dinadalan tayo.

Saray Huis 2:12

Tinondaan day angigalang ed Katawan a Dios na saray atateng da, say Dios ya angipaway ed sikara ed Egipto. Inggapo da met so angigalang ed saray arum a diriyos na saray totood kaliber-liber da. Dinmadakmomo ra ed sikara, kanyan impampasnuk day Katawan.

Saray Huis 6:8

Angibakid sikara so Katawan a Dios na Israel na sakey a propita tan impaikuantod sikara: Impaway ta kayod inkaaripen ed Egipto.