Exodo 12:11 - Maung a Balita Biblia

¹¹ No kanen yo, nepeg ya akakawes ki la na pambiahi yo, akasandalya kayo la tan sankabembenan yo lay baston yo; ganatan yoy mangan. Sikatoy Pista na Paskua a pamagalang ed siak a Katawan.

Maung A Balita Biblia

¹¹ No kanen yo, nepeg ya akakawes ki la na pambiahi yo, akasandalya kayo la tan sankabembenan yo lay baston yo; ganatan yoy mangan. Sikatoy Pista na Paskua a pamagalang ed siak a Katawan.

Exodo 12:11 Iomraidhean Croise

2 Saray Arari 23:21

Si Ari Josias ingganggan to ray katoowan a silibraan day Paskua a pamagalang dad Katawan a Dios da, onung na nisulat ed libro na sipanan.

Exodo 12:13

Say dala ed saray lusek ya akapeketan na puirta et tanda a pakaamtaan ed saray abung a panaayaman yo. No nanengneng koy dala, labsanan ta kayo tan ag ta kayo pasakitan no dusaen ko ray Egipsio.

Exodo 12:21

Tinawag nen Moises ya amin iray pangulo na Israel tan kuantod sikara, Mamili so balang sakey ed sikayo na sakey a kordiro odino sakey a kilaw na kanding tan pateyen to, pian nasilibraan na saray pamilya yo so Paskua.

Exodo 12:27

ebatan yo ra, Sikatoy bagat na Paskua a pamagalang ed Katawan, ta nilabsanan to ray kaabungan na saray Israelita nen wala rad Egipto. Pinatey to ray Egipsio, balet ag to kami pinatey. Tinmuek iray Israelita tan inggalang day Katawan.

Exodo 12:43

Say Katawan kuantod kindi Moises tan Aaron, Sikara ya so totontonen no silibraan so Paskua: Anggapoy toon taga arum a bansa a nayarin mangan na kakanen na Paskua,

Isaias 52:12

Ag kayo natan nepeg ya ontaynan a magangganat; ag yo ipapasen ya onlilimot kayon ontaynan. Say Katawan a Dios yo so mangiwanwan ed sikayo tan mangyagel ed sikayod amin a dapag.

Ezekiel 45:21

No kumalabinapat ya agew na ononan bulan, igapo yo so pansilibra na Pista na Paskua. Diad loob na pitoran agew mangan so balang sakey a too na tinapay ya anggapoy libadura.

Levitico 23:5

Say Paskua a silibraan pamagalang ed Katawan et onggapod kapansironget na kumalabinapat agew na ononan bulan.

Saray Bilang 28:16

Say Pista na Paskua a pamagalang ed Katawan et gawaen ed kumalabinapat agew na ononan bulan.

Saray Bilang 9:1

Diad ononan bulan na kumadwan taon kayariy intaynan na saray totood Israel manlapud Egipto, say Katawan akisalitad kinen Moises diad Kalawakan na Sinai. Inkuanto,

Lucas 12:35

Nakaukolan a sipaparaan kayo, ya akalislis iray kawes yo tan mandardarlang iray lamparaan yo,

Lucas 15:22

Balet tinawag nen ama ray katulong to tan inkuanto, Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Lucas 2:41

Tinaon-taon, kapag Pistay Paskua, oonlad Jerusalem iray atateng nen Jesus.

Lucas 7:38

Inmasingger ed nibeneg nen Jesus, diad saliyan to. Mannangnangis diman tan manterter so lua to ed sali nen Jesus. Pinonasan to ray sali nen Jesus na buek to, inanguban to ra tan pinoyukan to ray pabalingit.

1 CORINTO 5:7

Nepeg yon ekaley daan a libadura, say kasalanan, pian magmaliw kayon petepeteg a malinis. Diad ontan mipara kayod balon masa ya anggapoy libadura, ta talagan ontan kayo. Ta nibagat lay Cristo a Kordiro tayon onkanad Paskua.

TAGA-EFESO 6:15

tan isolung yoy sapatos ed sali yo a pamparaan ed pangipulong yoy Maung a Balitan mangiter na kareenan.

Deuteronomio 16:1

Pagalangan yoy Katawan a Dios yo diad panamegley na pansilibra yo na Paskua no bulan na Abib; diad aminsan a labi ed saman a bulan so impangipaway tod sikayod Egipto.

Josue 5:10

Legan a nankampod Gilgal iray Israelita diad patar ya asingger ed Jerico, sinilibraan da so Paskua diad labi na kumalabinapat ya agew na bulan.

1 Pedro 1:13

Kanyan iparaan yo ray kanunotan yo. Mantadya kayo lawas tan sigput yon ipeket so ilalo yo ed bindision a niiter ed sikayo no nipaamta lay Jesu-Cristo.