Exodo 10:22 - Maung a Balita Biblia

²² Si Moises intoro tod tawen so lima to, tan binmilbilonget ed loob na taloran agew so intiron dalin na Egipto.

Maung A Balita Biblia

²² Si Moises intoro tod tawen so lima to, tan binmilbilonget ed loob na taloran agew so intiron dalin na Egipto.

Exodo 10:22 Iomraidhean Croise

Say Libro nen Job 5:14

anggan diad kagkaagwan karapkarap irad kabilongetan.

Saray Salmo 105:28

Pinabilonget na Dios so bansa, balet ag inonur na saray Egipsio so ganggan to.

Exodo 20:21

Balet nansiansian nanalagey ed arawdawi a pasen iray katoowan, tan si Moises labat so sinmingger ed abay na makapal a lorem a kawalaan na Dios.

Isaias 8:22

odino onnengneng irad dalin, balet anggapoy arum na nanengneng da no ag say gunigon tan kabilongetan, say makapataktakot a kabilongetan ya akaibantakan da.

Ezekiel 32:7

No deralen ta ka, kobutan koy tawen tan pabilongeten ko ray bitewen. Onamut ed kaloreman so agew tan ag onsinag so bulan.

Ezekiel 32:8

Ag ko pasinagen iray amin a silew ed tawen tan kobutan ko na bilonget so mundom. Siak a Katawan a Dios so nansalita.

Joel 2:2

Sakey ya agew ya ambilonget tan maermen, sakey ya mayemyem tan malorem ya agew. Ondodogpa ray amayamay a dorun a singa ra bilonget ya onkokobut ed kapalandeyan. Ag ni agaway singa onya nen saman, tan ag yan balut nagawa ed arapen a panaon.

Joel 2:31

Ombilonget so agew, tan ombalangan singa dala so bulan kasakbayan ya onsabi so baleg tan makapataktakot ya agew na Katawan.

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!

Amos 4:7

Ag ko pinaoran nen nakaukolan lan mapalalo na saray tanaman yo so danum. Angipelag ak na oran ed sakey a siudad, balet ag ko pinaoran ed arum a siudad. Inmoran ed sakey ya alog, balet andi ed arum.

Deuteronomio 4:11

Ibaga yod saray anak yo no panoy inyakar tan impanalagey yo ed alusadsar na palandey ya akobutan na makapal a lorem a makapal ya asewek tan apoy a manliub ya anggad tawen.

Deuteronomio 5:22

Sikara yay ganggan ya inter ed sikayo na Katawan nen nantitipon kayo ed palandey. Nen nansalitad sikayo diad panamegley na makapanyarin bosis a nanlapud apoy tan nanlapud makapal a lorem, inter to ra yan ganggan tan anggapo lay arum. Insan to ra intatak ed duaran tapiak a bato tan inter to rad siak.

Puyan 16:10

Say kumaliman anghil inkalbo tod trono na samay ayep so kargay yaung to. Binmilonget so nanarian to may ayep, tan kineketket na saray totoo so dila ra lapud sakit a liliknaen da.