Ester 9:4 - Maung a Balita Biblia

⁴ Kabkabat ed intiron nanarian a si Mardokeo et makapanyari ed palasio, tan ombabaleg so pakayari to.

Maung A Balita Biblia

⁴ Kabkabat ed intiron nanarian a si Mardokeo et makapanyari ed palasio, tan ombabaleg so pakayari to.

Ester 9:4 Iomraidhean Croise

2 Samuel 3:1

Abayag a panaon so impanbabakal na saray totoon akigampid pamilya nen Saul tan saray totoon akigampid kinen David. Diad ibibiskeg lan ibibiskeg nen David, onkakapoy lan onkakapoy iray kalaban to.

1 Saray Awaran 11:9

Pinmalalo lan pinmalalo so inkatalonggaring nen David, lapud walad sikatoy Katawan a Makapanyarin-amin.

1 Saray Awaran 14:17

Binmawag ed anggan iner a pasen so inkabantug nen David, tan say Katawan pinatakot ton amin iray bansa ed kinen David.

Ester 10:2

Nikorit ed saray panagsulatan da ray arari ed Persia tan Media iray amin a matalonggaring tan makapakelaw a ginagawa to tan say impangipasen tod kinen Mardokeo ed atagey a betang.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Saray Salmo 18:43

Inliktar mo ak ed saray totoon mananumpa, tan ginawa mo ak a manoley ed saray bansa; panlilingkuran ak natan na saray totoon ag ko kabat nen saman.

Saray Salmo 92:13

Singa ra kiew ya intanem ed abung na Katawan, ya onsasalumpapak ed Timplo na Dios tayo;

Exodo 11:3

Say Katawan impagmaliw ton magalang iray Egipsio ed saray Israelita. Impasen na saray opisyal tan amin a katoowan a matalonggaring a tuloy si Moises.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Isaias 9:7

Onlaknab lan onlaknab so pakaoley ton ari, mansiansian mareen so panarian to. Manoley a kasalat nen Ari David, tan iletneg tod kaptekan tan katonungan so pakayari to manlapud natan ya anggad angga. Andi-saew a sumpalen ya amin na Makapanyarin-amin a Katawan.

Sofonias 3:19

Onsasabi lay panaon! Dusaen ko ray mamapairap ed sikayo; Iyagel kon amin iray piley tan isempet ko ray nibantak ed arum a bansa. Pagmaliwen kon kagalangan so impakabaingan da, tan dayewen ira na intiron mundo.

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

Josue 6:27

Kaolup nen Josue so Katawan, kanyan nikayat ed intiron bansa so inkabantug to.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.