Ester 1:12 - Maung a Balita Biblia

¹² Balet nen imbaga na saramay aripen so ganggan na ari, ag labay nen Vasti so ondago. Lapud saya, mapalaloy pasnuk na ari.

Maung A Balita Biblia

¹² Balet nen imbaga na saramay aripen so ganggan na ari, ag labay nen Vasti so ondago. Lapud saya, mapalaloy pasnuk na ari.

Ester 1:12 Iomraidhean Croise

Genesis 3:16

Inkuanto natan ed samay bii, Aruman koy gunigon mo no manlokun ka tan nairapan ka ed pananak mo. Anggaman ontan, pampilalekan mo nin siansiay asawam tan sikatoy manoley ed sika.

Ester 1:11

Ingganggan to ran awiten dan akakorona si Riyna Vasti. Magangganan bii so riyna, et nilabay na ari ya ipanta toy ganggana to ed saray opisyal tan amin da ray bisita to.

Ester 1:13

Ogali nen saman a say ari et ipanon to so nipaakar ed ganggan tan oksuy, kanyan impatawag to ray sumisimbawa to a makaamta na nepeg a gawaen onung ed ganggan.

Ester 7:7

Inmalagey so ari a mapalaloy petang na olo to, pinmaway ed kuarto, tan linmad tanamanan na palasio. Atalusan nen Haman ya andi-duaruwan dusaen na ari lapud saya, kanyan tinmilak ta kerewen tod Riyna Ester ya ag la komun napatey.

Saray Salmo 74:1

O Dios, akin et onyay impangikaindan mod sikami? Ag manganggay pasnuk mod saray dilin totoom?

Saray Salmo 79:5

Katawan, ag la mangangga so pasnuk mod sikami? Mansiansian mandarlang a singa apoy so pasnuk mo?

Exodo 32:19

Nen asingger lay Moises ed kampo tan nabantag to la may bakan kalakyan tan saray totoon mansasayaw-sayaw, mapalaloy impakapasnuk to. Dimad alusadsar na palandey imbantak to ra may awit ton tapyak a bato, et apisagpisag ira.

Exodo 32:22

Inmebat si Aaron, Ag ka kari mamapasnuk ed siak; amtam a sipaparaan la ran manggaway kaogsan.

Probirbio 19:12

Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Probirbio 20:2

Takotan moy mamapasnuk ya ari a singa itakot mod mangwam a lion; mambibikkel ka no pampasnuken mo.

Daniel 2:12

Lapud sayan imbaga ra, mapalaloy impakapasnuk na ari tan ingganggan ton pateyen ya amin iray sumisimbaway ari a walad Babilonia.

Daniel 3:13

Lapud saman mapalaloy impetang na olo na ari, et ingganggan ton iyarap ed sikato ira may taloran lalaki.

Daniel 3:19

Insan mapalaloy impetang na olo nen Nabucodonosor tan binmilonget so lupa tod pasnuk tod kindi Sadrac, Mesac, tan Abednego. Kanyan ingganggan tod saray totoo to a papetangen dan mamimpito so palbaan.

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

TAGA-EFESO 5:22

Bibii, toluk kayod kaasawaan yo, a singa katotoluk yod Katawan.

TAGA-EFESO 5:24

Kanyan no panoy itotoluk na iglisia ed Cristo, ontan met a saray bibii nepeg day ontoluk diad amin a bengatla ed saray kaasawaan da.

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

1 Pedro 3:1

Ontan met, sikayo ran bibii, paoleyan kayod kaasawaan yo. No walad sikaray ag ni manisiad salitay Dios natanggoyur iran manisia, diad panamegley na maung ya ogali yo. Anggano ag yo la ra paliwawaan,