Daniel 12:3 - Maung a Balita Biblia

³ Onsinag a singa liwaway tawen iray makabat a pangulo. Ontan met, saray ananggoyur ed saray amayamay a totoo diad panggawa ray inkatonung et anggad anggan onsinag iran singa saray bitewen.

Maung A Balita Biblia

³ Onsinag a singa liwaway tawen iray makabat a pangulo. Ontan met, saray ananggoyur ed saray amayamay a totoo diad panggawa ray inkatonung et anggad anggan onsinag iran singa saray bitewen.”

Daniel 12:3 Iomraidhean Croise

Exodo 34:35

nanengneng na saray Israelita a masnag so lupa to. Insan to sakbungan so lupa to ya anggad iyakar ton pitongtong lamet ed Katawan.

Probirbio 11:30

Bilay so iiter na katonungan, balet eekalen na inkaruksa.

Probirbio 3:35

Nagamuran na makabat a totoo so kagalangan, balet napelag ed kababaingan iray totoon makulang-kulang.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Ecclesiastes 12:9

Lapud makabat imay Managpulong, ag to tinondaan so nambangat ed saray totoo. Inaaral to ray probirbio, tan inapiapiger ton sinusubok so katwaan da.

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Jeremias 23:22

No akabatan da ray niamut a kanununotan ko, ayarian da komun ya impulong so salitak ed saray totook tan atanggoyur da ran mangibeneg ed saray maoges a panagbilay da tan saray maoges a gagawaen da.

Daniel 11:33

Saray makabat a pangulo na saray totoo et inagnag dad arum a totoo so kakabatan da. Balet ag mabayag napatey ed bakal iray arum ed sikara odino poolan da ran mabilay, tan saray arum et nasamsam iray kayaryan da tan nadakep ira.

Daniel 11:35

Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Mateo 13:43

Balet saray totooy Dios onsinag ira a singa agew ed Panariay Ama ra. Dengel kayo sirin, sikayo ran walay layag!

Mateo 19:28

Inkuanen Jesus, Kuankod sikayo a no say Anak na Too et akayorung lad mapagalang a trono diad Balon Mundo, sikayon ontotombuk ed siak onyorung ki met ed labinduan trono a manintinsia ed saray labinduan boleg na Israel.

Mateo 24:45

Siopa sirin so napanmatalkan tan marunong ya aripen? Say aripen ya ipasen na amo to a sikatoy pangulo da ray kapara ton aripen tan mangiter na kanen da diad manepeg ya oras.

Juan 4:36

Say manaani et ag labat naopaan no ag ingen mantipon met na bunga ya onkanad bilay ya andi-anggaan, et diad ontan, manliket iran so tumatanem tan omaani.

Juan 5:35

Si Juan et singa sakey a sinelselan a lamparaan a marmarlang, tan nanliket kayon agano ed liwawa to.

Saray Gawgawa 13:1

Wala ray propita tan mamaistro ed iglisiay Antiokia, a singa di Bernabe, Simeon ya apangaranay Negro, Lucio a taga Cirene, Manaen a kaogawan nen Herodes a gobirnador, tan Saulo.

1 CORINTO 3:10

Onung ed langkap ya inter na Dios ed siak, inletneg koy pundasion a singa gagawaey marunong a karpintiro. Insan sananey lay mangisumpal ed pangipaalgey. Balet nepeg a manalwar so siopaman a mangipaalagey,

TAGA-EFESO 4:11

Sikatoy angiter na langkap ed saray totoo; wala ray tinoro ton magmaliw ya apostol, saray arum propita, saray arum ibanghilista, saray arum pastor tan bumabangat.

Saray Hebreo 5:12

Diad sayan kabayag na panaon, nepeg komun a bumabangat ki la natan balet, anggad natan, nakaukolan yo niy mangibangat ed sikayo na onaan iran aaralen a nipaakar ed salitay Dios. Nepeg yo la komuy mangan na anawet a kakanen, balet oniinom kayo niy gatas.

2 Pedro 3:15

Ipasen yon say panaanos na Katawan et say pangiter tod sikayoy pankanawnawan nilaban. Onya met so insulat ed sikayo na inararo tayon agi a si Pablo. Diad impansulat to, inkana toy kakabatan ya inter na Dios ed sikato.

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: say pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Saray Huis 5:31

Ontan pa komun so ipatey na amin a kalaban mo, O Katawan, balet onsinag komun a singa ombubutay ya agew iray kakaarom! Insan nanarin apataploy taon so kareenan ed dalin.