Daniel 1:7 - Maung a Balita Biblia

⁷ Samay manonan opisyal et initdan to ra na balon ngaran: si Daniel atawag na Beltsasar, si Ananias atawag na Sadrac, si Misael atawag na Mesac, tan si Azarias atawag na Abednego.

Maung A Balita Biblia

⁷ Samay manonan opisyal et initdan to ra na balon ngaran: si Daniel atawag na Beltsasar, si Ananias atawag na Sadrac, si Misael atawag na Mesac, tan si Azarias atawag na Abednego.

Daniel 1:7 Iomraidhean Croise

Genesis 41:45

Initdan toy Jose na balon ngaran: Zafenat-panea. Initdan to met na asawa a si Asenat ya anak nen Potifera a pari ed siudad na Heliopolis. Mantaoy talomplo si Jose nen ginmapon manlingkur ed ari na Egipto. Nampatanir ed ari tan nanliber-liber ed intiron Egipto.

2 Saray Arari 23:34

Si Ari Neco impasen ton ari na Juda si Eliakim a lakin anak nen Josias. Insalat tod kinen Josias tan sinalatan toy ngaran to na Joakim. Inawit nen Neco si Joacaz ed Egipto, tan diman la inatey.

2 Saray Arari 24:17

Si Nabucodonosor insalat ton ari na Juda si Natanias a pangamaen nen Joakin, insan to sinalatan so ngaran to na Sedekias.

Daniel 1:19

Akitongtong ed sikaran amin imay ari, et nalmoan ton matalona nen saray arum ira di Daniel, Ananias, Misael, tan Azarias. Kanyan nagmaliw ira a kabyangan na saray opisyal ed palasio.

Daniel 1:3

Ingganggan na ari si Aspenaz, say manonan opisyal to, a mamilid saray adakep ya Israelita na pigaran lalakin tobun-balon kabyangan na pamilyay ari tan saray pamilyan gagalangen ed baley.

Daniel 10:1

Nen kumatlon taon na panaari nen Ciro ed Persia, sinmabid kinen Daniel a tatawagen met na Beltsasar so salita. Tua ra so salita, balet mapalalon mairap a talusan. Nipaliwawad sikato diad panamegley na sakey a pasingayew.

Daniel 2:26

Inkuan na ari ed kinen Daniel (ya atawag met na Beltsasar), Nibagam ed siak so akogip ko tan no antoy kabaliksan to?

Daniel 2:49

Lapud kinerew nen Daniel, say ari impasen ton makaoley ed kimey diad luyag na Babilonia ira di Sadrac, Mesac, tan Abednego; si Daniel balet nansiansia ed korti na ari.

Daniel 4:5

Balet nankogip ak na makapataktakot tan akanengneng ak na makapakebyew a pasingayew nen naogip ak.

Daniel 4:8

Insan linmoob si Daniel. (Beltsasar met so tawag ed sikato; niboluy ed dios ko.) Walad sikato so ispiritu na saray masanton diriyos, kanyan imbagak ed sikato so akogip ko. Inkuankod sikato:

Daniel 5:12

Nidoma-doma so donung to tan makabat tan marunong ed panangipatalus na saray kogip, saray pabitla, tan diad panangipaliwawa na saray mistirio; kanyan paawit mo man a lakin manngaran na Daniel, a tinawag na ari na Beltsasar, ta ibaga tod sika so kabaliksan da ra ya.