1 Juan 5:3 - Maung a Balita Biblia

³ Ta say pangarod Dios kabaliksan toy pangonur tayod saray ganggan to. Et aliwan mairap ya onuren iray ganggan to,

Maung A Balita Biblia

³ Ta say pangarod Dios kabaliksan toy pangonur tayod saray ganggan to. Et aliwan mairap ya onuren iray ganggan to,

1 Juan 5:3 Iomraidhean Croise

2 Saray Arari 18:6

Matoor ed Katawan, ag ton balut sinumlang, no ag ingen inapiapiger ton inonur ya amin iray ganggan ya inter na Katawan ed kinen Moises.

Saray Salmo 119:140

Agay lay inkatwa na sipan mo! Agaylay panangarok ed sipan mo!

Saray Salmo 119:45

Mambilay ak ed nagnap a kawayangan, ta pampepelengan kon onuren iray bangabangat mo.

Exodo 20:6

Balet aroen ko ray nilibon kailalakan na saray mangarod siak tan mangonur na saray ganggan ko.

Probirbio 3:17

Say kakabatan pagmaliwen ton marakep so panagbilay mo, tan iyarawi to kad kaatapan legan mon mambilay.

Daniel 9:4

Nampikasi ak ed Katawan a Dios ko tan impatwak iray kasalanan na saray totook. Inkuanko, Katawan a Dios, matalonggaring ka tan gagalangen mi ka Matoor ka ed impisipanan mo tan ipapanengneng mo lawas so ag mangoman a panangarom ed saray mangaarod sika tan manusumpal na saray ganggan mo.

Mikias 6:8

Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Mateo 23:4

Manggagawa ray ambelat a sasakbaten ya ipapasakbat dad arum a totoo, balet ag da labay ya igalaw so anggan tamoro ra diad pangiba ra.

Juan 14:15

No inaro yo ak, onuren yo ray ganggan ko.

Juan 15:10

No onuren yo ray ganggan ko, mansiansia kayod arok; singa siak, oonuren ko ray ganggan nen Amak, kanyan mansiasiansia ak ed aro to.

Juan 15:14

Kakaaro ta kayo, no onuren yo ray ganggan ko.

Saray Taga Roma 7:12

Masanto sirin so Ganggan, tan amin ya ibabagay ganggan et masanto, matonung, tan maung.

Saray Taga Roma 7:22

Diad otel na pusok, malikeliket ak ed ganggay Dios.

Deuteronomio 5:10

Balet aroen ko ray nilibon kailalakan na saray mangarod siak tan mangonur na saray ganggan ko.

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,

Saray Hebreo 8:10

Sikato yay pisipanan ko ed saray totood Israel diad saray agew ya onsabi, kuay Katawan: Iseksek kod kanunotan da ray ganggan ko tan isulat kod kapusoan ra. Siak so magmaliw a Dios da, tan sikara so totook.

1 Juan 2:3

No onuren tayo ray ganggan na Dios, andi-duaruwad satan a kabat tayoy Dios.

2 Juan 1:6

Say kabaliksan na aron sasalitaen ko et say pambilay tayon onung ed saray ganggan na Dios. Say ganggan a nadngel yo lan nanlapud gapo et saya: nepeg a mambilay kayod aro.