1 Juan 2:18 - Maung a Balita Biblia

¹⁸ Anak, asingger lay anggaan! Nibagad sikayon onsabiy Anticristo. Et natan amayamay la ray linmetaw ya Anticristo, kanyan amta tayon asingger lay anggaan.

Maung A Balita Biblia

¹⁸ Anak, asingger lay anggaan! Nibagad sikayon onsabiy Anticristo. Et natan amayamay la ray linmetaw ya Anticristo, kanyan amta tayon asingger lay anggaan.

1 Juan 2:18 Iomraidhean Croise

Mateo 24:11

Amayamay met iray omparontal a tila-tilan propita, tan dakerakel so napalingo ran totoo.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Mateo 24:5

Ta amayamay iray onsabi tan ikana ray ngaran ko ya ikuanda, Siak so Cristo! Dakel iray napalingo ra.

Marcos 13:6

Ta amayamay iray onsabi tan ikana ray ngaran ko ya ikuanda, Siak so Cristo! tan dakel iray napalingo ra.

Juan 21:5

Insan kuantod sikara, Anak, walay nala yon sira? Inmebat ira, Anggapo.

Saray Taga Roma 13:11

Nepeg yo yan gawaen lapud amta yo no anto la yan panaon. Panaon lan nepeg kayon onliing, ta say kilalaban tayo et magano la natan nen samay inggapo tayon manisia.

Saray Taga Roma 13:12

Ngalngali la mansamput so labi, tan ombubutay lay agew. Tondaan ti lay panggaway bengatlan kayaryay bilonget, tan egnaan ti la ray armas a kayaryar liwawa.

Saray Hebreo 1:2

Balet diad sarayan kaonuran ya agew, say Dios nansalitad sikatayo diad panamegley na Anak to. Pinalsa na Dios so sankamundoan diad panamegley na Anak, a pinili ton manawir na amin a bengatla.

1 Pedro 1:20

Pinili la na Dios kasakbayan na inkapalsay mundo, tan sikatoy pinmanengneng ed sayan kaonuran iran panaon makasengeg ed sikayo.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

2 Pedro 3:3

Manonaan ed amin, nepeg yon amtaen a diad kaonuran iran agew wala ray mambalaw ed sikayo, saray totoon mambibilay onung ed maoges iran pilalek na laman.

1 Juan 2:22

Siopa sirin so matila? Say toon mangibabaga a si Jesus et aliwan sikatoy Cristo. Sikato yay Anticristoipopolisay toy Ama tan say Anak.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.

1 Juan 4:3

Balet siopamay mangiboborid sayan nipaakar ed kinen Jesus, anggapod sikatoy Ispiritu a nanlapud Dios. Say ispiritu na Anticristo so walad sikato. Nibaga lad sikayon onsabi ya, et wadya la natan ed mundo.

2 Juan 1:7

Kinmayat ed sankamundoan iray amayamay a managpalikdototoo ran ag mamibirbir a si Jesu-Cristo linma dian nagmaliw a too. Managpalikdo tan Anticristo so ontan a too.

Judas 1:18

Inkuandad sikayo, Diad kaonuran iran agew, ompaway iray managbalaw, totoon mangoonur na maoges iran pilalek da.