DANIELA 7:4 - Buki Pilabumaboma

⁴ Minana eikugwa kala gigisa makawala laiyoni mitaga isim pinupanela makawala mluveka. Itobu wala matagu agigisi, e pinupanela ikolakavi. E dokanikani minana ilupaisi e ivitoyailisi makawala taitala tau. Oluvi isakaisi minana isim nanola makawala tomota ninasi.

DANIELA 7:4 Iomraidhean Croise

2 SAMWELA 1:23

“Saulo sola Yonatani saina bwainigaga deli mina mbwailigu! Igau tommomova kasitaiyu wala isisuaisi, e kasitaiyu wala kala yamtala ikaligasi. Matausina si gigibula ikalisau mluveka, e si peula ikalisau laiyoni.

YOBI 25:6

E ammakawalaga tomota, matauna saina towatanawa makawala mwatemwata kaina minumauna? E ammakawalaga Yaubada bigigisi kala bwaina tomota, ki isim dimlela kaina?

BUKILA SAM 9:20

Mwa Guyau! Bukuyokukoli matausina, e kuvigaki binikolaisi mwada matausina tomota wala.

YEREMAIA 25:38

E Guyau bogwa eisilavi la tomota makawala natana laiyoni iligaim kala lagi. E kabilia kokolela deli Guyau la gibuluwa tigininila bogwa eivigaki mi valu imila viloupakala.

YEREMAIA 4:13

Kugisi, tilaula leimeimaisi makawala lowalowa. Si waga kaibibiu makawala tigiviviluwa, si wosa saina nagigigibula ikalisauwaisi mluveka. Yakidasi totamwau! Bitadoumlabasi!

YEREMAIA 4:7

Makawala laiyoni bima metoya okala lagi, taitala kala tokodadaimi boda bogwa eisilavi bima. Matauna bima bikodidaimi Yuda, e biligaim wala kwedidadaimi e gala availa bisiki mavilousina.

YEREMAIA 48:40

Guyau bogwa eibiga katotila makawala kwaitala boda bima bitalakapusi baisa Mowabi makawala natana mluveka bitalakapusi deli wala pinupanela biyosokani,

YEREMAIA 49:19

Yeigu bama bayokupati Edom bisakaulasi bisilavaisi si valu, makawala wala natana laiyoni bisunapula metoya oudilela Waya Yoridani e bivalapula bima osaivau. E tokugwa taitala banagi matauna bikaraiwogi boda makwaina. Availa ibodi bipataigu? Availa ibodi bigibikolaigu? Avai tokaraiwaga ibodi bikaluwouwaigu?

KAVINAVINA 4:19

Matausina saina beigoguna mitasi eibokavilaimasi, ikalisauwaisi mluveka leiyokakaila. Ikilileuwaimasi wa koya; ikikanapwalasi oviloupakala e ivapulosaimasi wala iyosaimasi.

ISIKELI 17:3

paila binikolaisi avaka yeigu, Guyau Yaubada, lalilivala baisa matausina. Isisu natana mluveka saina navakaigaga digulela saina bwainigaga deli pinupanela saina pilavakaveka biyosokani. Minana iyowa ila Lebanoni okoyala e ikauwoli doginala kaitala kweisila,

ISIKELI 28:2

“Mwa yoku tau, kuluki guyoula Taia avaka yeigu Guyau Yaubada lalilivala baisa matauna. ‘Kutiliawai deli nanom kala kaiveka. Yoku kudokaim mwada taitala yaubada. Lokulivala mwada makawala taitala yaubada kusili otakaikaia makwaina e bolita itaina itapatu. Kaina goli bukuvitoki mwada yoku taitala yaubada, mitaga gala wala. Yoku tomotamakava, gala yaubada.

ISIKELI 28:9

Avai tuta bimaisi bikatumataimsi, ki yoku desi wala bukulivala mwada yoku makawala taitala yaubada? Avai tuta bukuboda kam tokwatumata, yoku tomotamakava gala yaubada.

DANIELA 2:38

Matauna leivigakaim lokuguyoi komwaidona valu watanawa ambaisa tomota isisuaisi, deli lokuguyoi komwaidona mauna nasigisagina deli nayoyowa. E yoku makawala makwaina pwanetala goula.

DANIELA 4:36

“Avai tuta ulo nanamsa kala migileu ikaimilavau, agu taimamila, ulo guyau, deli kala guyugwayu ulo kabokwaraiwaga ikaimilivau goli isakaigu. Ulo tosikwawa deli goli kaidadala ulo valu ikabwailigusi goli deli isakaivauwaigusi ulo karaiwaga deli agu taimamila sainela ikalisau omitibogwa.

DANIELA 7:12

E salaga minasina ikauwaisi si karaiwaga iligaimwaisi, mitaga itagwalasi bisisuaisi wala tommomova paila tuta pikekita wala.

DANIELA 7:5

E nayuwela dokanikani kala gigisa makawala beya itotu metoya okaikela. Minana ikavitau kaitolu totuwana okudula, e kaigila kaigatala iluki minana kawala, “Me, kukwam! Kwamkwam wala ee, bukukomata!”

MADIU 24:28

“Ambaisa tomata bikanukwenu, baisa mluveka bitogugulasi mwada bikamsi.

KARAIWAGA KWAIYUWELA 28:49

Guyau bimai budotala togilagala metoya obusibusila valu, mabudona bonasi yokomi gala kunikolaisi. Matausina bitalakapusisi makawala mluveka baisa yokomi.

YONI IGISIMLILI 13:2

E minana kala gigisa makawala mauna nagigasisi yagala lepoda, deli kwaibakwaila makawala nayuwela nagigasisi yagala beya, e wodola makawala natolula nagigasisi yagala laiyoni. E minana dokanikani togega ikasali la peula, la takaikaia deli la karaiwaga kwaiveka mwada biyosi minana buludililama.