DANIELA 4:3 - Buki Pilabumaboma

³ “Gala bitakaibiga paila kabokatubau makwaisina Yaubada eivitulokaidasi! Kabutuvatusi makwaisina eiuvagi saina kwepapeula! Yaubada matauna Guyau tosivagasi; matauna biguyau tuta gala biwokuva.

DANIELA 4:3 Iomraidhean Croise

BUKILA SAM 104:24

Mwa Guyau! M bubuli saina bidugaga lokububuli metoya om kwabitam. Valu watanawa ikasewoki m bubuli.

BUKILA SAM 105:27

Matausina eivagaisi Yaubada la vavagi topilaveka, e ivagaisi kabutuvatusi mapilana Itipita.

BUKILA SAM 145:13

M guyau gala biwokuva, bikanigaga goli, e yoku bukuguyau tuta gala wala biwokuva. Guyau iuvagi komwaidona avaka eikatotila, e avaka avaka iuvagi, komwaidona goli bwaina.

BUKILA SAM 66:7

Matauna la karaiwaga kwepeuligaga gala biwokuva, e imitakavati boda ituwoli ituwoli. Taga availa bikosomapu matauna.

BUKILA SAM 72:18

Kala yakaula Guyau, matauna mina Isireli si Yaubada! Kalamwaleta wala matauna iuvagi makwaisina vavagi kabokatubau.

BUKILA SAM 77:19

Yoku kuloula oluwalaisi kaisai. Kuluvipeili tilibwabwau, mitaga bakwaim gala igagabila bitagisi.

BUKILA SAM 86:10

Yoku saina topeuligaga, deli kuuvagi vavagi saina kabokatubau. Yoku kammwaleta wala Yaubada.

BUKILA SAM 92:5

O Guyau, bogwa layakaula paila avaka avaka bogwa lokuvagi, deli avaka avaka lokuninamsi vavagi topilaveka goli.

AISEA 25:1

Guyau, yoku ulo Yaubada; yeigu batemmalaim e bayakawoli yagam. Vavagi bidubadu bogwa lokuvagi kaboyowalula; deli makawala nanom yoku bogwa lokuvagi avaka m nanamsa lokuninamsibogwi omitibogwa.

AISEA 28:29

E ka, komwaidona kabitam makwaisina metoya baisa Guyau Topeuligaga. E nanamsa makwaisina Yaubada eiuvagi, komwaidona wala kwekikabitam, deli tuta komwaidona wala bikikalota.

AISEA 9:7

E matauna la guyau bisetuwoli kala kwaiveka, e tuta komwaidona vakota bisisu ola kabokwaraiwaga. Matauna biguyau kaimapula guyau Debida, e la karaiwaga bivitau metoya mitukwaibwaila deli karaiwaga duwosisia, metoya tuta baisa e bila goli tuta okala vigimkovila. Ka, Guyau Topeuligaga bogwa eivitobu nanola kidamwa bivagi makawala.

YEREMAIA 10:10

Mitaga Guyau yoku wala Yaubada mokwitatoula, yoku Yaubada tomomova; tuvaila Guyau tosivagasi. Avai tuta bukugibuluwa valu watanawa biyega e boda ituwoli ituwoli gala ibodi bivakulokolasi.

DANIELA 2:2

mapaila matauna idou la tokalamimi, la tomigameguva, la tobubogau deli la tokaisivila bimaisi bitanekwaisi mimi makwaina baisa matauna. Avai tuta imaisi itolisi omatala guyau,

DANIELA 2:44

E osi tuta matausina gweguya, Yaubada Towalakaiwa bivitau kwaitala kabokwaraiwaga makwaina gala bikalituli. Gala availa ibodi biyouli, mitaga makwaina bikatudidaimi komwaidona makwaisina kabokwaraiwaga biwokuva, e oluvi bitovagasi goli.

DANIELA 4:17

E baisa si karaiwaga matausina anelosi tomitukolabu deli togisatobu. Mapaila ka! Ibodi tomota komwaidona ambaisa ambaisa binikolaisi Yaubada Towalakaiwa Sainela isim la karaiwaga baisa odubasi tomota si kabokwaraiwaga, e gagabila wala bisaiki baisa availa binagi, kaina goli bisaiki baisa taitala availa gala isim dimlela.’”

DANIELA 7:14

E matauna tosivagasi isaiki la karaiwaga, kala taimamila, deli la guyau, kidamwa tomotala boda kwaitala kwaitala, migila migawelu migawelu, deli bona ituwoli ituwoli, biwotitalaisi matauna. Matauna la karaiwaga gala kala kalitutila, e la kabokwaraiwaga gala bikalituli.

DANIELA 7:27

E matausina tovagisi yakala bisakaisi kabokwaraiwaga komwaidona ovalu watanawa saina siligaga baisa la tomota Yaubada Towalakaiwa, e matausina biguguyausi goli. Matausina si guyau gala goli bisim kala vigimkovila e komwaidona gweguyala watanawa biwotitalaisi deli bikabikuwolaisi matausina.”

ROUM 11:33

Ka, Yaubada la mitakwai gala gagabila bitavigimkulovi. Deli la kabitam e la nikoli saina kwevakaigaga. Availa gagabila bikatumiki la naga? E availa bikateta la kidakeda?

KARAIWAGA KWAIYUWELA 4:34

Kaina avai yaubada deli la tuvaluwa eila ikau la tomota metoya baisa tomota ituwoli e ivigaki la tomota titoulela, makawala goli Guyau mi Yaubada eivigakaimi mapilana Itipita? Ka, baisa goli omitami ivagi avaka metoya ola peula saina peuluvagasi. Imai lelia deli kabilia, ivagi kabutuvatusi deli kaboyowalula, e ivigaki vavagi kabokokola sainela biviloubusisi.

1 TIMOTI 1:17

Baisa Tosigaga, Guyoula momova, Balomatoula Yaubada itokesa gala pataila, kala taimamila deli kala kavisi gala kala kalitutila. Emeni.

IBERU 1:8

Mitaga baisa leikaibiga paila Latula, kawala, “Mwa, yoku Yaubada m takaikaia bikanigaga wala. Bukukwaraiwaga om kwabokwaraiwaga deli nona duwosisia.

IBERU 2:4

Makawala goli Yaubada ikatumkulovi si silasola iyomitali la kamatula metoya ola kabutuvatusi deli kaboyowalula deli bidubadu vavagi siligaga. E tuvaila ipati peula makwaisina avaka Baloma Tobumaboma isisaiki tomota, e ipitapata goli makawala nanola.

1 PITA 4:11

E availa ikamatula ibodi bikamituli Yaubada la biga. Availa biwotetila, ibodi biwotetila deli peula makwaina avaka Yaubada isaiki matauna. Kidamwa metoya baisa komwaidona vavagi makwaisina bitasaiki Yaubada kala yakaula metoya baisa Yesu Keriso. E Yesu Keriso matauna kala kalugologusa deli la peula, gala biwokuva, bikanigaga. Emeni.

YONI IGISIMLILI 11:15

Oluvi anelosi tailima taiyuwela itagina kala tauya, e kaigila kaigivakaveka wa labuma ililivalasi, kawasi, “Tuta baisa da Guyausi deli la Mesaia biguyoi valu watanawa, e la guyau gala isim kala kalitutila.”